赤柱炮台
赤柱炮台（英文：Stanley Battery），喺香港赤柱半島嘅南端。喺1936年開始起，到1937年7月起好砲台後，東海岸射擊指揮部亦由魔鬼山搬過去，赤柱炮台裝有3支9.2吋大炮，大炮嚟自摩星嶺砲台同歌賦砲台。
史
編輯1930年代尾，英國殖民地政府重視喺香港嘅利益，為咗加強防衞香港島，因此喺島嘅南面海岸線起咗多個炮台，包括舂坎角炮台、黃麻角炮台同赤柱炮台等。起赤柱炮台期間，因為炮台原址同附近一帶都有村民居住，政府喺赤柱大街起咗8間平房嚟安置居民，即而家嘅八間屋。
喺香港保衛戰中，赤柱炮台嘅皇家炮兵團第8重炮兵營同守軍曾經大顯神威，令到侵略香港嘅日本皇軍死傷慘重。1941年12月25號，香港總督楊慕琦下令投降，但係當時赤柱嘅東旅指揮官瓦理士准將未肯定投降情報嘅真假，直至12月26號確認投降令後先投降。之後，喺3年零8個月中，炮台同大炮俾日軍佔用咗，並加以擴建同反過來嚟對付盟軍嘅反擊。
而家赤柱小炮台炮位被評為香港一級歷史建築，而第9、第17、第38同第51座就評為香港二級歷史建築。
現況
編輯而家，赤柱炮台屬於中國人民解放軍駐香港部隊嘅赤柱軍營，係軍事禁區。雖然炮台嘅1號炮床重保留住，但2號同3號炮床已經改咗做赤柱衞星通訊站，有多個衞星碟形天線。