想搵第二個意思嘅話,請睇金起範

起範韓文기범起範 Gi Beom英文Ki Bum),原名金起範韓文김기범金起範 Gim Gi Beom英文Kim Ki Bum1987年8月21號—),係韓國歌手、演員、YouTuber,男團Super Junior前成員,響隊內擔任主Rapper。

金起範
2012年攝
男藝人
原名金起範
羅馬拼音Kim Ki Bum
英文名Bryan Trevor Kim
別名起範
國籍韓國 韓國
美國 美國
出世 (1987-08-21) 1987年8月21號(36歲)
韓國 韓國首爾江南區道谷洞韓文도곡동
職業演員歌手
語言韓文英文
母校首爾道谷初等學校
聖莫妮卡天主教高中
韓國肯特國際學校
音樂類韓國流行音樂
演奏樂器人聲
出道日期2004年
活躍年代2004年ー2015年
2017年ー
唱片公司KT Music(2005年11月-2009年4月)
經紀公司SM娛樂(2005年-2015年)
Y Team Company(2016年)
Bam Company(2017年)
Clover Company(2018年-2022年)
PA娛樂(2022年)
網站http://twitter.com/ikmubmik
http://i.instagram.com/mub_ik_mik
相關團體

生平 編輯

早年 編輯

1987年8月21號,起範響首爾江南區道谷洞韓文도곡동出世,有一個細妹金世熙(Kim Sae Hee,音譯)。曾經就讀位於大峙洞嘅首爾道谷初等學校。響十歲搬到美國加利福尼亞州洛杉磯,曾經就讀聖莫妮卡天主教高中。2002年,佢畀星探發掘,響試鏡通過後,起範成為SM娛樂旗下嘅練習生。跟住佢就返韓國生活,就讀韓國肯特國際學校。

2004年,起範響電視劇《四月之吻》扮韓正宇一角,以演員身份正式出道。響2005年3月,佢同希澈高雅羅主演電視劇《一年十班》。2005年11月,佢出演電視劇《嫁給百萬富翁》。

SJ時代 編輯

2005年11月6號,起範成為SM娛樂旗下限定男團Super Junior 05嘅成員,響節目《人氣歌謠》中第一次亮相,並發行第一張專輯《Super Junior05》。佢係圭賢加入前係隊內嘅忙內、主Rapper[1]。2006年,佢同希澈主演情景劇《Non-Stop》,之後起範又同高雅羅主演月火連續劇雪花》。

2006年3月,SM宣佈展開Super Junior 06計劃,話會招幕新隊員。點知響5月宣佈計劃擱置,反而係加入新成員圭賢,而團名亦改為「Super Junior(SJ)」,啲人推測原因係SM見Super Junior 05有名氣,所以選擇唔解散[2]。同年發行單曲《U》,SJ嘅人氣同知名度開始急增,而起範係團體入面人氣最高嘅成員之一[3]

2007年,佢成為花美男連鎖恐怖事件電影男主角之一。同年參加團體專輯《Don't Don》嘅歌曲表演,呢次亦係起範最後一次參演團體演出同埋宣傳活動。

2008年,佢主演連續劇《春子家有喜事了》。同年參加Super Show演唱會巡迴表演。

2009年SJ發行第三張專輯Sorry, Sorry,起範只係參與MV演出同埋拍宣傳相片,但未參與MV錄製同唱片宣傳等活動。呢次亦係佢最後一次參演團體專輯。同年5月SJ發行單曲《It's You》,起範係連團體任何活動亦冇參加,SM話起範係專注緊個人活動。6月,SJ舉行亞洲巡迴演唱會《Super Show 2》,起範有份拍宣傳相但未有上台演出,SM指起範係因為腳部受傷而缺席演出。

離隊 編輯

由於起範響Sorry, Sorry只係參與MV演出同埋拍宣傳相片,響由呢個時期開始已經盛傳佢會離隊,但SM否認。自2009年6月有份拍演唱會《Super Show 2》宣傳相之後,佢就冇再參加SJ嘅任何活動,最終響2015年離隊。

因為起範響未離隊前係SJ人氣最高嘅成員之一,所以佢離隊嘅原因一直眾說紛紜。主要嘅講法係,起範本身冇諗住行歌手呢條路,而當時公司話Super Junior 05係限定男團,所以起範嘅打算係等Super Junior 05解散就專心發展演藝事業,點知公司冇解散到,同佢原先嘅計劃背道而馳,最終退出。當然亦有其他講法,例如佢被SM雪藏[4]、佢想要專心響演藝事業但公司唔畀因而同公司反面、得罪公司高層、同成員出現矛盾等[5]

2021年1月,佢響自己拍嘅片入面解釋佢因為自己唱歌實力唔夠好、又緊張,表示「感覺好似就快死咁」,加上佢想專注發展演藝事業而自行離隊,同隊友無關[1][2]。而佢同時又話自己其實收到好多節目嘅演出邀請,但多數畀佢拒絕,原因係唔想畀人問到有關SJ嘅問題,對SJ帶嚟負面影響[6]

個人發展 編輯

 
2012年,起範(藍色西裝者)出席電視劇《我愛李太利》見面會

2010年,佢主演電影《注文津》,扮演「鬼」一角。同年5月,SM發聲明指起範會專注響戲劇發展,但唔會退出SJ。2011年,佢拍歷史劇《樹大根深》。2012年,佢主演電視劇《我愛李太利》。2013年,起範同鍾漢良等人共同主演中國古裝劇《天龍八部》。同年,佢響中國電視劇《吉祥天寶》扮演朱天寶一角。

2015年8月18號,起範同SM合約到期,佢宣佈唔續約,離開SM,同時退出Super Junior。2016年,中國政府發佈「限韓令」,限制韓國藝人響中國嘅活動,起範被迫返韓國發展。

2017年,神隱兩年嘅起範宣佈復出,由佢主演嘅電影《泡菜愛上小龍蝦》響同年8月上映。2018年6月,起範同經紀公司Clover Company簽約,同年上節目《雙腳生活》,係佢時隔六年再次響螢幕上現身。

2020年,佢響前SJ隊友希澈嘅建議下,開設YouTube頻道「양반 김기범 Yangban Kim Ki Bum」,目前以YouTuber嘅身份活躍中[7]

2022年1月,佢同Clover Company解約,之後起範同PA娛樂簽約,並宣佈響同年3月會舉行見面會。惟獨佢響兩個月後就同PA娛樂解約。

演出作品 編輯

  • 粗體字為主演

電視劇 編輯

年份 電視台 劇名 角色
2004 KBS 四月之吻 韓正友(少年)
2005 KBS 《玉琳的成長日記2》 朱俞明
MBC 彩虹羅曼史 金起範
SBS 嫁給百萬富翁 金永勳(少年)
2006 SBS 雪花 河永燦
2008 MBC 春子家有喜事了 朴正宇
2011 SBS 樹大根深 朴彭年
2012 tvN 我愛李太利 黃民秀/ 金銀銅
2013 中國HBS 天龍八部 段譽
2016 中國HBS 吉祥天寶 朱天寶
待播 《우리 집 개는 프라다를 입는다》 나견우
《저주받은 로맨스》 이영숙

電影 編輯

話劇 編輯

  • 2010年 《午覺》飾 男主角的少年時代

參演MV 編輯

至於團體MV請去睇Super Junior參演MV一覽

編輯

  1. 1.0 1.1 SJ起範事隔多年首次回應離團原因 坦承對成員感謝又抱歉. www.bastillepost.com. 2021-01-21. 喺2022-09-16搵到.
  2. 2.0 2.1 ETtoday新聞雲. 範合體希澈…曝出道時丟臉也對不起隊友 首談退出SJ原因 | ETtoday星光雲 | ETtoday新聞雲. star.ettoday.net (繁體中文). 喺2022-09-16搵到.
  3. 蘇國豪 (2016-10-19). Super Junior起範臉圓發福 粉絲留言:還是很帥. 港01 (香港中文). 喺2022-09-16搵到.
  4. sina_mobile (2019-10-28). 起范ins简介改为普通人,并取关金希澈、李赫宰等人,引发热议. k.sina.cn. 喺2022-09-16搵到.
  5. 什么Super Junior 成员金起范会被雪藏?. . 喺2022-09-16搵到.{{cite web}}: CS1 maint: url-status (link)
  6. ETtoday新聞雲. 了守護SJ拒上綜藝 韓網讚嘆:難怪退團後粉絲一樣支持 | ETtoday星光雲 | ETtoday新聞雲. star.ettoday.net (繁體中文). 喺2022-09-16搵到.
  7. 啊~SJ前成員金起範終於現身了:希澈哥讓我一定要開通YouTube頻道,管理人也是他哦!. KSD 韓星網. 喺2022-09-16搵到.{{cite web}}: CS1 maint: url-status (link)