低地台巴士(Low floor bus),有啲公司稱之為超低地台巴士或者特低地台巴士(Super low floor bus),係指一啲門位同埋車廂通道冇梯級巴士。呢啲巴士比門位有梯級嘅巴士更方便乘客上落,尤其係老人家、推手推車同埋坐輪椅嘅乘客。

英國一架低地台巴士展示佢冇梯級嘅門位

低地台巴士自1990年代開始喺一啲地方,包括流行起嚟,多間巴士製造商都整出自己嘅低地台巴士。以香港為例,香港嘅專利巴士公司自1996年開始就引入低地台巴士[1][2]

設計 編輯

低地台巴士可以係成架車嘅車廂都係低地台,即係喺車廂由頭行到尾都冇梯級,亦有啲只係得車廂前部分係低地台(即係「低入口」設計),差唔多到車尾位置有梯級,而梯級後面嘅地台就升高咗。引擎擺位方面,唔少低地台巴士嘅引擎都擺喺巴士後面,但有啲巴士製造商(包括Van Hool同埋富豪)研製出引擎擺喺車軸之間而偏向左邊嘅低地台巴士。

低地台巴士門位嘅地台高度可以低至350毫米以下。而低地台巴士通常亦設有可以控制升降嘅懸掛系統,當有需要嗰時,司機可以將架巴士降低,令巴士地台更加接近行人路面。

為方便坐輪椅嘅人上落,低地台巴士嘅門位可以整埋斜板,車廂內亦可以留埋位去擺輪椅。

現時市場上已經有低地台設計嘅小巴單層巴士掛接巴士同埋雙層巴士等等。

參考 編輯

  1. 《香港巴士年鑑1997》
  2. 喺路訊通播嘅城巴機場快線巴士介紹片段入面仍然有用呢個字眼(2009年2月17號睇)