《跳飛機》（英文：Hopscotch，1976年9月2號—1982年1月22號）係無綫電視翡翠台播映嘅一個細路電視節目。最初由Sunny哥哥（黃汝燊）主持，之後有商界人士希望Sunny哥哥做細路雜誌《辛尼哥哥》嘅編輯，於是無綫電視炒咗Sunny哥哥，搵咗王愛明接任主持。1982年，《跳飛機》畀同類型細路電視節目《430穿梭機》取代。
呢個節目名取自嗰陣時香港細路最鍾意玩嘅遊戲之一跳飛機。
