車路士包

車路士包（英文：Chelsea bun）係一種發源自英國嘅甜包點。

一個車路士包

整呢種包，首先要用麵粉同酵母整一舊高酵母成份嘅麵糰，再加少少檸檬汁、玉桂，又可以加其他香料。搓開個麵糰之後就碌平佢，然後搽牛油、糝黃糖、擺提子乾喺麵糰上面，再將麵糰切細塊然後捲成一個正方形。呢個整法，同玉桂卷有啲似。焗好之後，就趁熱喺個包上面搽糖漿，製造反光嘅效果。

車路士包最初係喺十八世紀，倫敦車路士地區嘅一間餅舖 Chelsea Bun House 發明，因為受王室人員愛戴所以出名。後來嗰間餅舖執咗，但係個食譜就一路流傳。而家整車路士包最出名嘅餅家，係劍橋菲茨比利 (Fitzbillies) 咖啡餅舖。