逆流大叔

《逆流大叔》（英文：Men On The Dragon）係2018年一齣港產片，由陳詠燊導演，吳鎮宇、潘燦良、黃德斌、胡子彤、胡定欣同余香凝等演出。由天下一電影出品同發行，2018年8月2號喺香港上映。

劇情

四個高不成低不就嘅寛頻網絡公司員工為咗保住飯碗加入公司新成立嘅龍舟隊，開始艱苦嘅龍舟訓練。

電影喺2017年7月至9月天氣最熱嗰段時間拍。劇組想把握好天氣拍完划龍舟嘅戲，開頭三個星期都拍戶外景。但係嗰陣天氣時晴時雨，吳鎮宇搞到病咗，不過為咗唔影響拍攝進度佢決定帶病上陣^[1]。

2017年8月，香港電影發展局（中文：香港電影發展局）嘅「電影發展基金電影製作融資計劃」資助咗港幣$4,492,800畀爾齣電影^[2]。

電影揾咗RubberBand幫電影配樂同創作主題曲《逆流之歌》同插曲《大叔情歌》，陳詠燊重親自執導《逆流之歌》嘅MV。

灣仔香港藝術中心嘅電影院由2018年7月19號起由古天樂嘅電影公司接手贊助，重冠名做「古天樂電影院」（Louis Koo Cinema）。第一齣上映嘅電影就係古天樂有份投資嘅《逆流大叔》^[3]。

2018年6月23號，吳鎮宇同胡定欣為《逆流大叔》出席中環舉行嘅「香港龍舟嘉年華」，胡定欣表示「第一次拍電影，多謝鎮宇揾我合作。」^[4]

《逆流大叔》已經入圍2018年7月喺美國紐約市舉行嘅「2018年紐約亞洲電影節（英文：New York Asian Film Festival）」主競賽單元，重成為咗唯一「焦點放映」電影^[5]。

↑ 〈《逆流大叔》吳鎮宇帶病上陣爬龍舟爬到聲沙〉。《《[[蘋果日報 (香港)]]》》 (香港中文)。香港。2018年6月25號。原著喺2020年3月28號歸檔。喺2019年4月17號搵到。
↑ 〈電影製作融資計劃〉。《香港電影發展局》。原著喺2018年6月12號歸檔。喺2018年6月27號搵到。
↑ 〈贊助藝術中心電影院古仔盼各方支持香港好戲〉。《《[[頭條日報]]》》 (繁體中文)。香港。2018年7月11號。
↑ 〈【逆流大叔】吳鎮宇找胡定欣處女下海拍戲：好嘅女星都結婚生仔〉。《《[[明報]]》》 (繁體中文)。香港。2018年6月24號。
↑ 〈電影《逆流大叔》入圍紐亞洲電影節競賽單元〉。《《[[大公報]]》》 (繁體中文)。香港。2018年6月6號。原著喺2018年8月17號歸檔。喺2018年8月2號搵到。

呢篇逆流大叔係關於港產片嘅楔位文章，重未完成嘅。麻煩你幫手補充佢嘅內容。