胡定欣

胡定欣（英文：Nancy Wu ，1981年9月9號—）係香港女演員，曾經連續兩年拎到TVB視后，依家係無綫電視部頭合約藝員同邵氏兄弟藝員。

胡定欣
女藝人
羅馬拼音	Wu Ting Yan
英文名	Nancy
花名	定欣、定定、Nann、Nancy
國籍	中國（香港）
籍貫	中國廣東江門
出世	(1981-09-09) 1981年9月9號  英屬香港
職業	演員、歌手、主持人
語言	粵語、英語、普通話
教育程度	中五
母校	香港聖安多尼學校 香港聖瑪加利女書院
宗教信仰	佛教
屋企人	一弟
出道地	香港
出道日期	2003年 (2003)
代表作品	電視劇： 《衝上雲霄系列》 《拳王》 《鬼同你OT》 《一屋老友記》 《城寨英雄》 綜藝節目： 《胡說八道真情假期》
出名角色	凌卓芝 -《衝上雲霄系列》 姜蓉 -《鬼同你OT》 刁蘭 -《城寨英雄》
活躍年代	2001年到而家
經紀公司	無綫電視（2002年到而家） 邵氏兄弟（2020年到而家）
網路電影資料庫（IMDb）資訊
獎 萬千星輝頒獎典禮 飛躍進步女藝員 2008年 《野蠻奶奶大戰戈師奶》、《古靈精探》、《銀樓金粉》、《搜神傳》、《舞動奇跡第二季》 最佳女配角 2012年《拳王》- 丁恩慈 最佳女主角 2015年《鬼同你OT》- 姜蓉 2016年《城寨英雄》- 刁蘭 亞洲電視大獎 最佳女配角 2012年《拳王》- 丁恩慈 其他獎 TVB 馬來西亞星光薈萃頒獎典禮 最喜愛TVB女主角 2015年《鬼同你OT》- 姜蓉 2016年《城寨英雄》- 刁蘭 星和無綫電視大獎 我最愛TVB女主角 2016年《城寨英雄》- 刁蘭

生平

1999年參加全球華人新秀歌唱大賽，入最後四強。2001年，胡定欣再參加《TVB週刊》第三屆CoverGirl選舉攞到「美寶蓮至迷人Cover Girl大獎」、「Nikon 至上鏡Cover Girl大獎」、「California Fitness至Fit Cover Girl大獎」同「全場總冠軍」，之後加入第18期無綫電視藝員訓練班後做咗無綫旗下藝員。畢業冇耐，胡定欣俾人派去拍由黃易小說《大唐雙龍傳》改編嘅同名電視劇，係四位女主角之一，同時亦憑劇入面婠婠一角而為人所熟識。胡定欣之後有份演出嘅劇集有《西廂奇緣》、《樓住有情人》、《十兄弟》、《布衣神相》同《銀樓金粉》。

2008年4月，胡定欣同另外九個無綫電視藝員去湖南參加舞動奇跡第二季，喺唔同場次攞到個人同組合滿分，最後同拍檔李承鉉攞季軍。

胡定欣喺《萬千星輝頒獎典禮2008》攞到「飛躍進步女藝員」獎；2012年憑電視劇《拳王》嘅聾啞拳手「丁恩慈」呢個角色喺《萬千星輝頒獎典禮2012》攞到「最佳女配角」獎。佢更加喺2015年同2016年分別憑電視劇《鬼同你OT》嘅鬼魂「薑蓉（Gin）」同《城寨英雄》嘅「刁蘭」呢兩個角色連續兩年喺《萬千星輝頒獎典禮》攞到「最佳女主角」獎。

胡定欣喺2018年拍完《包青天再起風雲》之後就無再接劇，有傳佢同無綫嘅合約會喺2020年完結。胡定欣喺完約後同無綫改簽部頭合約，同時同邵氏兄弟簽約。

出面網頁

• 胡定欣喺香港影庫嘅資料（香港繁體）
• 胡定欣喺互聯網電影資料庫嘅資料（英文）
• 〈Nancy wu 胡定欣 - 藝人 - 邵氏兄弟國際影業有限公司〉。《邵氏兄弟》 (繁體中文)。
• 胡定欣喺tvb.com嘅資料
• 胡定欣嘅新浪微博