連桷璋（英文：Dalu Lin，1989年—），係香港泛民主派人士，地區組織「大埔民主聯盟」成員，大埔區議會廣福及寶湖選區前任議員。
連桷璋喺2019年第6屆區議會選舉參選大埔廣福及寶湖選區，最後打贏時任區議員黃碧嬌，成功當選，但到咗2021年5月9號，佢喺區議員宣誓條例通過前夕，決定劈炮，唔撈區議員一職。佢話「自己好耐之前已經有劈炮決定」，重話「每一日累積落嚟嘅無力感，加上自己嘅區議員身份帶嚟掣肘，而且自己嘅精神消耗得好快」咁話。
