進敎圍

進敎圍（St. Francis Yard）又叫做聖佛蘭士地，係灣仔區一條街，嚮灣仔民居地方。進敎圍東端係聖佛蘭士街，西端係揸車嘅掘頭路，不過行人重可以行過去日街、月街。進教圍嘅中段南面通去光明街同星街。當年有間教堂嚮附近，教友同澳門葡籍傳教士就集中聚居喺呢度。

向東望進教圍

向西望進教圍

二十一世紀，呢度連埋就近幾條街，畀人營造成星街小區。

史

進教圍係香港第一個天主教教會同墳場，香港開埠初期1841年無耐就有。當年灣仔係白人聚居地，之不過有唔少水土不服，嚟到香港就死左，所以就嚮教堂嗰度方便落葬。個墳場無耐因為城市發展，搬去黃泥涌，家下跑馬地附近。

搵食

灣仔進教圍同光明街2號交界，有檔50年以上嘅大牌檔，德如茶餐廳好似中環結志街嗰檔蘭芳園，有檔口而家租街鋪營業。話事人叫蘇媽，德如賣絲襪奶茶同炒飯、炒麵、咖哩肉片飯嘅，佢比附近嘅日本料理同西餐廳經濟抵食。

名

進教圍英文，係全港唯一以Yard做字尾街名。Yard確有圍牆圍地方意思，成條村畀人住，而依種圍喺舊時澳門亦好常見。

睇埋

• 聖方濟
• 春園街

出面網頁

• 灣仔進教圍，香港第一個天主教教會墳場（請睇文件第2頁）
• 灣仔進教圍地圖
• 開飯喇網：灣仔進教圍德如茶餐廳 [1]