灣仔區
| |||
| |||
| 地區 | 香港島 | ||
| 大細 | 10.02平方公里（第14位） | ||
| 人口（2006年） | 151,196人（第17位） | ||
| 人口密度 | 15,788/平方公里（第9位） | ||
| 成立日期 | XXX | ||
| 區議會主席 | 楊雪盈 | ||
| 區議會選區數 | 11 | ||
灣仔區係香港十八區之中嘅其中一區，喺香港島北岸嘅中部。2020年嘅人口係173,300，係全港人口最少嘅區。[1]呢一區嘅人都幾有錢，每五個人就有一個流動資金超過一百萬蚊[2]。
地理 編輯
灣仔區西面係中西區、東面係東區、南面係南區、北面同油尖旺區同九龍城區隔維多利亞港相望。灣仔區有十三個選區，包括渣甸山、大坑、天后、維園、銅鑼灣、樂活、跑馬地、鵝頸、愛群、軒尼詩、修頓、大佛口同埋司徒拔道。其中天后同維園選區係喺2016年由東區改為灣仔區嘅選區。
所謂「灣仔」嘅地區，通常包括杜老誌道同埋港鐵港島綫灣仔站周邊地區，西面係金鐘，東面就係銅鑼灣。香港會議展覽中心所在嘅「灣仔北」，通常係指告士打道以北，喺1970年代填海嘅地區，係寫字樓同埋酒店嘅集中地。行政上嘅「灣仔區」包括灣仔、灣仔北、銅鑼灣、跑馬地、渣甸山、司徒拔道、黃泥涌峽同埋大坑。
歷史 編輯
香港主權移交儀式係喺灣仔嘅香港會議展覽中心舉行。
政治 編輯
灣仔區議會有13個議員，全部都係民選產生。
最近一次嘅區議會選舉係第6屆香港區議會選舉，喺2019年11月24號舉行，選晒13個議席。由於反送中運動嘅影響，灣仔區議會第一次由民主派主導，佔9個席位。本屆灣仔區議會13位議員入面有7位係女性，係香港第一個女性議員比例高過男性議員嘅區議會。區議會嘅主席係楊雪盈。
交通 編輯
灣仔區有好多種交通工具，包括電車、地鐵、巴士、小巴、渡輪等等。由於灣仔區有大量寫字樓、政府機構、商場、公共設施、學校，所以灣仔流動人口非常之多，大概有60萬。[3]再加上本區17萬人口，每日使用交通工具嘅人數眾多，尤其喺返放工時間好容易有擠塞嘅情況。
港鐵 編輯
電車 編輯
電車係灣仔區重要嘅交通工具，雖然速度慢過巴士同地鐵而且大部分服務範圍都同其他交通工具有重疊，但係由於站點密集、票價平過其他交通工具、鄰近鬧市區、而且地鐵通常需要上落幾層，兼且地鐵冇途徑跑馬地，所以無論喺灣仔、銅鑼灣定係跑馬地，都有大量市民搭電車。
巴士 編輯
小巴 編輯
渡輪 編輯
大眾文化 編輯
灣仔喺1957年小說同埋1960年嘅戲蘇絲黃的世界裏面俾人提及。
參考 編輯
- ↑ 〈按區議會分區劃分的人口及住戶統計資料〉 (PDF).
{{cite web}}: CS1 maint: url-status (link) - ↑ 〈存档副本〉. 原著喺2007年2月13號歸檔. 喺2007年5月1號搵到.
- ↑ 〈民 政 事 務 總 署 - 我 的 社 區 - 灣 仔 區〉. www.had.gov.hk. 喺2021-05-03搵到.