《過零丁洋》係首宋詩，七律。由宋末抗元名將兼丞相文天祥作嘅。最出名係「人生自古誰無死，留取丹心照汗青」。
佢抗元輸咗，俾元軍捉，船過零丁洋時，寫咗呢首詩。首詩表明佢忠心宋室，死都唔降。
零丁洋喺珠江口對出，有零丁山一島。惶恐灘有話係今日香港嘅龍鼓灘[1]。
辛苦遭逢起一經， 干戈寥落四周星。 山河破碎風拋絮， 身世浮沉雨打萍。 惶恐灘頭說惶恐， 零丁洋裏嘆零丁。 人生自古誰無死， 留取丹心照汗青。
經、星、萍、丁、青都係/-iŋ/上鄂發嘅鼻音尾。
