內伶仃
內伶仃，亦都叫內伶仃島，原本就咁叫伶仃島、伶仃、零丁山等，係伶仃洋上面一個島。佢響香港屯門爛角嘴西便，深圳赤灣同蛇口東南。個島歸深圳南山蛇口管[1][2]，不過曾經同珠海有爭議。[3]史上內仱仃係去廣州嘅水道，內伶仃、爛角嘴同埋后海灣洋面係船聚集嘅地方。內伶仃向面行，穿過伶仃洋就遇到另一個島，係珠海嘅淇澳。史上個島歸屯門鎮管，所以文獻上嘅屯門島，有可能指內伶仃。
屈大均係《廣東新語》度提過，赤灣附近零零丁丁有個山（島），所以叫零丁山，所以連海都叫做零丁洋。零丁山將零丁洋分兩邊，東面係內則，比較細，叫小零丁洋，而西便係外則，比較大，叫大零丁洋。小零丁洋即係香港新界到內伶仃嘅洋面，而大零丁洋即係內伶仃到淇澳嘅洋面。[4]
地理
編輯
內伶仃係個三角形嘅島，面積有921.64公頃。最高點係尖峰山，高338米。西面𡰪𡰪係牛脷角，東南係東角嘴。南面有南灣，北面有東灣。佢東面有紅樹林，唔少候鳥都會響度過冬。
內伶仃因為近珠江口，珠江嘅沙坭令到海水帶黃。
個島孤懸海上，去比較近嘅地嘅話，向東行到爛角嘴，向東北行到赤灣，蛇口，東向北偏北行到孖洲同大鏟，向西行到淇澳，向南到大嶼山，向東南龍鼓洲、沙洲。水路嘅話，北行經沙角入珠江上廣州，南行見澳門同萬山羣島出南海，東南經龍鼓水道、汲水門到香港維多利亞港。
史
編輯
大宋
編輯大宋時已有零丁洋之稱，皆因有零丁山，零零丁丁在洋面。
大元
編輯大明
編輯大明時叫零丁山，歸新安縣。佛朗機人講嘅屯門島，零丁山係其中一個可能地點。
1513年，大明准佛朗磯人（即葡萄牙人）Jorge Alvares上內伶仃[5]，咁佢起咗個寨同埋棟咗條條石柱，上面刻埋葡國國徽。1518年，大明水師攻上去，剷平個寨[6][7]。1522年，大嶼山同屯門之間洋面，大明水師大破葡艦。[8]
大清
編輯大清叫零丁山，歸新安縣。以前有唔少外國商船在此補給。英國人記，時時停零丁山，等入虎門入省城。
中華民國
編輯中華民國，內伶仃如同大清，歸新安縣。民國新安縣後尾改名寶安縣。
中華人民共和國
編輯中華人民共和國佔領廣東之後，為咗加強防務，喺1952年12月，將個島，連同寶安、東莞、中山三縣嘅所有島都劃做一個縣，叫漁民縣，屬廣東省，縣治就喺唐家村。個縣重包括萬山羣島、內伶仃同外伶仃等百幾個島。1953年，漁民縣改名珠海縣。[9]
1955年6月7號，廣東省人民委員會發信畀內務部，請求將內伶仃劃返畀寶安管[10]，原因係島近寶安，島民生活都去蛇口補給。6月28號，國務院同意將島歸返畀寶安[11]。7月19號，廣東省人民委員會公布國務院文件。[9]
1980年代，寶安縣連同內伶仃歸畀深圳市管。同期，珠海縣改為珠海市。1984年4月29號，廣東省政府要喺島上面，内伶仃島森林生態系統植物自然保護區，歸深圳市管。1988年5月9號，國務院公佈第二批國家级自然保護區，裏面有內伶仃島－福田紅樹林自然保護區，歸深圳管。[9]
內伶仃管轄權一向都相安無事，直到去1989年，珠海想起伶仃洋大橋，由淇澳駁經內伶仃去深圳同香港，想拎返個島。[12]1990年珠海跟據1953年文件，行使管轄權，爭議從此而起。[3]
1992年，廣東省民政廳公佈《關於深圳市與珠海市之間海涂行政界綫劃定問題和裁決書》，將島劃畀珠海。個判決引起深圳不滿，所以深圳一直上訴，但係不得要領。深圳治下一漁村想起渡假村，結果引起爭議。深圳同珠海兩地，都爭相響上面起派出所示轄權，結果要省政府下令撤走所有派出所。[3]
2003年，深圳市省人大代表搵返1955年文件，證明個島應該歸深圳，而非珠海。2004年終於得到省政府重新覆核。
生態
編輯註
編輯- ↑ 〈南山區〉。城市地頭網。原著喺2009年8月22號歸檔。喺2008年1月13號搵到。
- ↑ 〈南山街道〉。深圳網。原著喺2006年8月14號歸檔。喺2008年1月13號搵到。
- ↑ 3.0 3.1 3.2 〈内伶仃岛属深圳还是珠海？ 权属之争将有定案〉。2004。原著喺2010年8月29號歸檔。喺2008年1月13號搵到。
- ↑ 屈大均。《廣東新語》。
- ↑ Brage, J.M. (1965). China Landfall 1513, Jorge Alvares Voyage to China. Macau: Imprensa Nacional.
- ↑ Cortesão, A (1944). The Suma Oriental of Tome Pires and the Book of Francisco Rodrigues. London: Hakluyt Society.
- ↑ 龍思泰 (Anders Ljungstedt) (1832, 1997)。《早期澳門史》。北京：東方出版社。
{{cite book}}: Check date values in:|date=(help) - ↑ "EIA Report - Part 3 Section12 Annex B". 環境保護署.
- ↑ 9.0 9.1 9.2 〈伶仃岛上叹伶仃 深圳珠海争权属〉。原著喺2005年1月20號歸檔。喺2008年1月13號搵到。
- ↑ 廣東省人民委員會致內務部第222號函
- ↑ 國務院第63號文批覆
- ↑ 〈明白归属变糊涂官司 拖沓十年却忽视民生 《伶仃岛纷争》惊动粤高层〉。原著喺2008年7月19號歸檔。喺2008年1月13號搵到。
- ↑ 〈内伶仃岛—福田自然保护区(官方網站)〉。原著喺2007年12月31號歸檔。喺2008年1月13號搵到。
- ↑ 〈珠江口海域95％的海水被重度污染〉。新華網。
- ↑ 〈薇甘菊为害内伶仃岛 600猕猴生存受威胁〉。人民網。原著喺2007年8月18號歸檔。喺2008年1月13號搵到。