部份析因設計
部份析因設計（英文：fractional factorial design）係指由一場析因實驗入面淨係揀一部份嘅情況出嚟睇。
想像家陣有位醫學嘅研究者做一場 嘅析因實驗，研究者想睇三種唔同療法（嗌呢幾種療法做 a、b 同 c）獨立用嗰陣同結合用嗰陣嘅療效，所以佢就打算做噉嘅安排：
- 有啲受試者淨係接受 a 療法（a）；
- 有啲受試者受 a 又受 b 但冇受 c （ab）；
- 有啲受試者受 b 又受 c 但冇受 a （bc）；
- 有啲受試者就三種療法都受（abc）；
... 如此類推。如果位研究者想做嗮成場析因實驗，就需要有成 8 組受試者咁多－喺現實嘅科研當中，有可能噉做會太嘥人力物力，於是位研究者決定唔做 bc（結合療法 b 同 c），淨係有 7 組受試者，而佢噉做嘅理由可能係因為打前有好幾份研究經已發現咗結合 b 同 c 係冇嘢睇嘅，所以就唔嘥人力物力做多次。由呢個例子可見，喺現實嘅析因實驗裏面研究者好多時都有理由唔做嗮成場析因實驗，而呢種「由場析因實驗所有可能情況當中，淨係揀一部份嘅嚟做」嘅做法就所謂嘅部份析因設計[1][2]。
睇埋
編輯參攷
編輯 |