郭軍城

郭軍城（英文：Gary Kwok，1952年—2011年 3月11號），係香港第一個贏得亞洲冠軍嘅桌球手，有「亞洲之虎」嘅美譽，亦係前香港亞洲電視賽馬節目主持人，喺1980年代曾經同董驃同熊良錫拍檔主持《賽馬結果》節目，亦曾經拍過電影。

生平

郭軍城十三歲開始打桌球，喺1985年贏得亞洲桌球錦標賽冠軍，係香港第一個贏得亞洲冠軍嘅桌球手，贏得「亞洲之虎」美譽。之後，郭軍城亦曾經多次贏得中國全國桌發錦標賽冠軍。

球場以外，郭軍城喺1980年代曾經同董驃同熊良錫拍檔主持亞洲電視賽馬節目《賽馬結果》，亦曾經客串參與電影演出，作品有：《望子成虫》（1984）、《青蛙王子》（1984）、《摩登仙履奇緣》（1985）、《皇家師姐》（1985）、《吉人天相》（1985)、《點指賊賊》（1988）等。

2000年，郭軍城曾經喺廣州同當時年僅十三歲嘅中國「桌球神童」丁俊暉切磋，結果落敗^[1]。

郭軍城後期大部分時間喺中國內地教波，間中都有返香港參加比賽，2009年得到香港比力公開賽季軍^[2]。

2011年3月11號晚，郭軍城同太太由陝西搭火車到廣州途中，懷疑心臟病發，送院後證實死亡，終年59歲^[3]。