里昂

里昂
里昂; Lyon、Lugdunum
; 旗幟	; 徽章
國家	法國
分區	大里昂地區
政府
• 阿頭	Grégory Doucet
面積
• 總計	47.87 平方公里（18.48 平方英里）
人口（2021年1月1號）
• 總計	522,250
• 密度	11,000/平方公里（28,000/平方英里）
郵政號碼	69001、69002、69003、69004、69005、69006、69007、69008、69009
網站	www.lyon.fr
	里昂嘅地圖

45°45′35″N 04°50′32″E / 45.75972°N 4.84222°E / 45.75972; 4.84222

里昂（法文：Lyon）係法國第二大城市。係國際刑警組織國際總部嘅所喺地。

歷史

早期

早喺新石器時代，里昂已經有人類居住嘅痕跡^[1]。到公元前43年，喺羅馬帝國成功控制成個高盧地區之後，佢哋喺呢度成立咗新嘅城市，叫做 Lugdunum^[2]。

羅馬帝國

到基督教早期，好多喺羅馬帝國嘅基督徒都受到逼害，而里昂亦都係有一樣嘅情況^[3]。到437年，里昂嘅人因為匈人嘅入侵，而暫時離城，到443年打贏咗先返城。

中世紀

到843年，里昂成為咗神聖羅馬帝國嘅領域，一路到14世紀都唔係屬於法蘭西王國。自從喺1312年加入法國之後，里昂同巴黎一齊成為國家嘅主要樞紐。例如，意大利^[a]嘅商人會喺里昂搞活動，所以係法國當時嘅銀行業中心。到依家，里昂嘅建築風格仍然幾似意大利嘅建築物^[4]。

現代

自從文藝復興以嚟，里昂最出名就係負責織絲綢，成為咗世界嘅「絲綢之都」^[5]。喺法國宗教戰爭期間，當地嘅新教徒發動咗行動去屠殺天主教徒，而里昂好多嘅天主教堂同雕像都拆咗或者打爛咗^[6]。到法國大革命，法國由君主制變成共和制，成立法蘭西第一共和國。不過，喺1793年，里昂曾經爆發過反革命示威，要求法國維持君主立憲制^[7]。

到工業革命時期，里昂繼續佢嘅絲綢生產；到18世紀尾，總共有310間工廠負責造絲綢，而呢啲主要都係出口去英國、北美洲、甚至印度同中國^[8]。到1920年代，里昂亦開始發展基建嚟做水力發電^[9]。

喺二次大戰期間，法國喺法國戰役度打輸，成為納粹控制嘅地區。不過，國家入面有唔少反對勢力，其中反德嘅自由法國將軍戴高樂，話里昂係二戰期間嘅「抵抗首都」^[10]。到戰後，里昂恢復返佢喺戰前嘅地位，並且喺1996年舉辦過 G7 會議^[11]。喺2015年，里昂正式由市鎮升級做一個特殊地位集體（法文：Collectivité à statut particulier）^[12]。

畫展

古城區（Vieux Lyon）

里昂嘅古城區廣場，自從中世紀同文藝復興嘅年代已經有
一座為律師而設嘅大廈
一間傳統風格嘅酒店（La Tour Rose）
夜晚見到嘅波拿巴橋（Le pont Bonaparte）

市中心（第一同二號區）

里昂市政廳同埋附近嘅歌劇院
市政廳同前面嘅公園（Place des Terreaux）
城市一座劇院（Le théâtre des Célestins）
一座文藝復興年代嘅建築物（Fenêtres à meneaux），隔籬係大街 Montée de la Grande Côte

其他

城市嘅古羅馬風格劇院（Le théâtre gallo-romain）
里昂城嘅金頭公園（Parc de la Tête d'Or）
皇宮（Palais Saint-Jean）同聖母聖殿（Basilique Notre-Dame de Fourvière）嘅夜景

注

↑ 當時，「意大利」並唔係一個國家，而係好多個小國，不過因為都係喺意大利半島，所以通稱咁叫

文獻

↑ Mathieu Poux, Hugues Savay-Guerraz, Lyon avant Lugdunum, Infolio éditions, 2003, p. 151 （法文）, ISBN 2-88474-106-2.
↑ "X, 1087". Corpus Inscriptionum Latinarum –透過Epigraphik-Datenbank Clauss / Slaby.
↑ Patrick Boucheron, et al., eds. France in the World: A New Global History (2019) pp 63-68.
↑ Pierre Edmond DESVIGNES. "Quartier renaissance Lyon : Vieux Lyon, quartier ancien et secteur sauvegarde Lyon". Vieux-lyon.org. 原著喺19 January 2011歸檔. 喺3 April 2011搵到.
↑ Gascon, Richard (1971). Mouton (編). "Grand commerce et vie urbaine au XVIe siècle : Lyon et ses marchands". École pratique des hautes études. Paris / La Haye. p. 312.
↑ Krumenacker, Yves (2009). Éditions Olivétan (編). Lyon 1562, capitale protestante : une histoire religieuse de Lyon à la Renaissance. 里昂. p. 335. ISBN 978-2-35479-094-3.
↑ Suratteau, Jean-René (1989). Presses universitaires de France (編). Dictionnaire historique de la Révolution française: Lyon (Ville-Affranchie/Commune-Affranchie) (法文). Paris. pp. 688–696. ISBN 2-13-042522-4.
↑ Brockhaus' Konversations-Lexikon. 14th ed., Leipzig, Berlin and Vienna 1894; Vol. 11, p. 420
↑ Caron, François (2000). "Dynamique des systèmes techniques et « capitalisme » : le cas de l'industrie électrique en France, 1880-1939". Histoire, économie et société (法文). 19 (3): 387-410.
↑ "Resistance and Deportation History Center" (英文). Centre d'histoire de la résistance et de la déportation.
↑ "G7 de 1996 : quand Jacques Chirac a fait de Lyon le centre du monde". lyoncapitale.fr (法文). 2019.
↑ Belfils, Steven (2014年12月31號). "Métropole : clap de fin pour le Grand Lyon". lyoncapitale.fr (法文).

[4] 當時，「意大利」並唔係一個國家，而係好多個小國，不過因為都係喺意大利半島，所以通稱咁叫

[1] Mathieu Poux, Hugues Savay-Guerraz, Lyon avant Lugdunum, Infolio éditions, 2003, p. 151 （法文）, ISBN 2-88474-106-2.

[2] "X, 1087". Corpus Inscriptionum Latinarum –透過Epigraphik-Datenbank Clauss / Slaby.

[3] Patrick Boucheron, et al., eds. France in the World: A New Global History (2019) pp 63-68.

[5] Pierre Edmond DESVIGNES. "Quartier renaissance Lyon : Vieux Lyon, quartier ancien et secteur sauvegarde Lyon". Vieux-lyon.org. 原著喺19 January 2011歸檔. 喺3 April 2011搵到.

[6] Gascon, Richard (1971). Mouton (編). "Grand commerce et vie urbaine au XVIe siècle : Lyon et ses marchands". École pratique des hautes études. Paris / La Haye. p. 312.

[7] Krumenacker, Yves (2009). Éditions Olivétan (編). Lyon 1562, capitale protestante : une histoire religieuse de Lyon à la Renaissance. 里昂. p. 335. ISBN 978-2-35479-094-3.

[8] Suratteau, Jean-René (1989). Presses universitaires de France (編). Dictionnaire historique de la Révolution française: Lyon (Ville-Affranchie/Commune-Affranchie) (法文). Paris. pp. 688–696. ISBN 2-13-042522-4.

[9] Brockhaus' Konversations-Lexikon. 14th ed., Leipzig, Berlin and Vienna 1894; Vol. 11, p. 420

[France_2000-10] Caron, François (2000). "Dynamique des systèmes techniques et « capitalisme » : le cas de l'industrie électrique en France, 1880-1939". Histoire, économie et société (法文). 19 (3): 387-410.

[11] "Resistance and Deportation History Center" (英文). Centre d'histoire de la résistance et de la déportation.

[12] "G7 de 1996 : quand Jacques Chirac a fait de Lyon le centre du monde". lyoncapitale.fr (法文). 2019.

[13] Belfils, Steven (2014年12月31號). "Métropole : clap de fin pour le Grand Lyon". lyoncapitale.fr (法文).

[1]

[2]

[3]

[a]

[4]

[5]

[6]

[7]

[8]

[9]

[10]

[11]

[12]