金堯如

金堯如（英文：Jin Yaoru，1923年9月—2004年1月18號），浙江紹興人，前中國共產黨黨員，曾經負責喺臺灣組織地下黨運作推翻國民黨政府。1948年，金堯如從台灣到香港，無耐擔任香港親中共報章《文匯報》總編輯，負責中共喺香港嘅宣傳同統戰工作。文化大革命期間，金堯如俾中共召返大陸，喺廣州俾人軟禁及勞動改造，一路到文革結束，中共先將佢調返香港復職。佢以筆名「管見子」喺《文匯報》寫社論。1989年八九民運，金堯如等人因不滿中共暴力鎮壓學生運動，喺《文匯報》社論開天窗，以「痛心疾首」四個大字表達不滿。六四事件後，《文匯報》班人俾中共整頓。金其後宣告退黨，與中共決裂，移居美國加州。但係佢繼續時常發表評論文章，呼籲中共推行政治改革，一路到2004年初病逝。

金堯如
出世	1923年9月  中華民國浙江紹興
死	2004年1月18號（80歲） 美國加州歐文
職業	中共宣傳幹部、新聞工作者

屋企人

老婆謝瑩，仔金陵、金建一、金慶國，女金朝虹、金朝曜。