金錢主義又叫拜金主義英文Money worship),係一種「金錢至上」嘅價值觀。金錢主義者往往覺得「無錢萬萬不能」,呢種價值觀被認為起源於資本主義鼓勵人類追求自我物質利益思想主張,而好多廣告,同埋部分流行歌曲小說(例如小時代)亦被認為有助長社會整體拜金主義風氣嘅作用。一說認為就算死咗之後有靈係人類普遍嘅信仰,但係所有文化亦都有重視物質同現世生活傾向,重視物質同現世生活被認為係普世文化通則

拜金主義經常引起社會上唔同嘅批評,尤其係被保守派人士抨擊成造成現代社會物欲橫流、道德淪喪嘅象徵之一。批評者認為,拜金主義者太過強調金錢嘅重要性,以致拜金主義者變得唯利是圖、對好多事物經常只係睇到表面,但係睇唔到內涵、精神層面亦極為空虛。相反,亦有人認為,追求更好、更富裕嘅生活係所有人類嘅本性,而拜金主義只不過喺現代資本主義社會風氣入面,人類呢種本性一種反映嚟啫。呢點由「有錢能使鬼推磨」、「人為財死,鳥為食亡」、「瞎子見錢眼也開」同「有錢一條龍,無錢一條蟲」等諺語即可略見一斑。

拜金女

拜金女係指崇拜金錢、將金錢價值作為最高價值、一切價值都要服從喺金錢價值思想觀念同行為嘅女人。拜金女喺結婚時普遍希望同一個有錢男友結婚,因為佢可以依賴男友嘅金錢去買名牌、食好嘢以及其他日常生活各項開支。如果男友唔能夠滿足金錢主義女士,拜金女會覺得男友係「垃圾」,因為拜金女往往將金錢放喺第一位,佢未必真心鍾意嗰個男友。