錢納利英文George Chinnery1774年1月5號1852年5月30號)係英國畫師,不過佢大半生都響亞洲生活,尤其係印度華南

錢納利
出生日1774年1月5號 喺Wikidata改呢個
出生地Gough Square 喺Wikidata改呢個
死亡日1852年5月30號 喺Wikidata改呢個 (78歲)
死亡地澳門 喺Wikidata改呢個
國籍大不列顛王國大不列顛愛爾蘭聯合王國 喺Wikidata改呢個
識嘅語言英文 喺Wikidata改呢個
職業畫師 喺Wikidata改呢個
風格人像畫 喺Wikidata改呢個
名作Gilbert Elliot, 1st Earl of Minto (1751-1814), Viceroy of British India and Governor General of the Dutch East Indies (1812-14) 喺Wikidata改呢個
兄弟姊妹William Bassett Chinnery 喺Wikidata改呢個
錢納利

編輯

錢納利係氏,名佐治。唐人稱佢錢納利。

生平 編輯

錢納利響倫敦出世同訓練畫畫。1802年愛爾蘭已經係出名嘅人像畫家。佢響一七九九年四月十九號響都柏林娶佢老婆馬利安(Marianne)。佢後尾唔鍾意佢老婆,覺得佢醜怪。錢納利老竇有幾條船,而佢阿哥威廉以前有今日基維爾公園(Gilwell)塊地。

錢納利好大使,所以佢爭人好多錢要走佬。一八零二年坐隻叫基維爾(Gilwell)嘅船去咗印度。佢響嗰度重新做畫家,畫咗唔少當地風情。不過佢一八二五年又要避債,去咗中國。從此就留咗響華南。佢敎林官(關喬昌)畫西洋人像畫,而林官之後都係有啲名氣嘅醫學人像畫家,因為林官畫路同佢太近,變咗同佢爭生意,所以佢後尾就唔鍾意林官。佢響華南嘅時間,成日來回珠江三角洲,主要響澳門廣州。英國佔有香港之後,佢就去咗香港。不過當時香港環境唔係咁好,佢病咗,又返返去澳門。一八五二年就死咗。佢葬響澳門舊基督敎墳場

 
岸邊嘅牧牛人同埋河邊飲水嘅牛,時間不詳,私人藏品
 
聖保祿學院

畫作 編輯

佢嘅畫除咗有藝術價值之外,亦都好有歷史價值,因為佢係十九世紀前中期,響華南唯一一位西洋畫家。佢畫低咗嗰時珠江三角洲嘅平民風景。錢納利亦都留低唔少用來畫畫嘅速寫。佢學咗佢阿爺嘅速記,而佢響佢速寫加上面加上速記做解釋。

而家,澳門藝術博物館收藏咗一部份錢納利嘅作品。

紀念 編輯

香港上海滙豐銀行因為早期有香港之利,有好多錢納利嘅作品。銀行響二零零五年六月六號到八月廿九號就同香港歷史博物館以以及香港藝術館一齊搞個作品展覽。

葡治澳門政府後期將錢納利寓所嗰條街叫做千年利街(Rua de George Chinnery)。另外,政府亦響一九八二年響故居牆上面加塊紀念牌,不過無幾耐跟埋間屋拆埋。

參考 編輯

  • Impressions of the East - The Art of George Chinnery, Hong Kong Museum of History, 2005
  • 澳門藝術博物館