長江集團中心

長江集團中心（英文：Cheung Kong Center，又叫長江中心）係香港第八高摩天大樓，高282.9米，有68層，1999年起好，響中環皇后大道中2號。

中環廣場

長江中心同時亦係人稱「誠哥」嘅香港首富李嘉誠開嘅長江實業集團總部，係由長江旗下公司和記黃埔地產出錢投資興建。幢樓嗰塊地以前係香港希爾頓酒店、拱北行（英文：Beaconsfield House）同埋花園道停車場。

又因為長江中心塊地喺中環金融商業區嘅心臟地帶，周圍有好多銀行總部，其中包括：中國銀行嘅中銀大廈同中國銀行大廈、滙豐嘅滙豐總行大廈、渣打嘅渣打銀行大廈，同埋東亞銀行總行。