間條

間條，花紋花款一種，異色相間咁款，睇到一條條，一間間咁，又叫條紋，又叫斑紋。異色可唔同色，亦可同色而有深有淡。

布上間條

跟方向睇，叫直紋、橫紋或者斜紋。 間條粗幼無定，粗又得，幼又得，曲又得，直筆甩又得，條條咁闊又得，時粗時幼又得，變化萬千。 自然有間條，好似班馬黑白相間，或又者虎橙黑相間咁。 間條喺旗上面都常見，好似美國旗、希臘旗咁。

西洋有啲地方，以間條衫畀囚犯着，尤其黑白相間更加經典。 而封路帶都有用到間條，而危險線亦好多時黃黑相間。

動物

班馬黑白間

虎橙黑間

神仙魚間

蜂尾間

動物間條斑紋，有兩用，一為隱身，二為警告。斑紋通常直紋為，同草木方向一樣，但亦有啲有橫紋。

植物

竹斑

西瓜

斑紋葉

植物有唔少間條。葉、莖、花、菓都有。有啲天生，然而草木有病，有啲葉會有間條。

衣着

集中營間條衫

暗花間條

間條

西洋中世紀，有立法迫人棄民囚犯着間條衫。娼婦都要着。依種鄙視睇法，十八世紀開始有變化，由此添入時裝入便。一九五八年法國立法水兵着廿一間，一間表示拿破崙一次勝利，令間條又另一啲意義。

旗

奧地利旗

一六八五年東印度公司旗

美國旗典形間條旗

中華民國五色旗

早年間條旗，當中有奧地利旗，一二三〇年就有。而經典紅白多間，出自英國東印度公司，紅白九到十三間。後尾唔少旗都會揀間條，一間代表一啲。如美國旗，間條代表初期十三州，一間一州。中華民國五色旗，間條代表五族共和，一間一族。

生活

工程封路

理髮間條

黃黑間用來警告危險

斑馬線

條碼

日常生活有唔少間條。如理髮紅白藍間。如要人留心危險，黃黑間、橙黑間。如過馬路黑白斑馬綫。如條碼將數碼記喺黑白間。封路膠帶亦有唔少兩色相間。