開主選單

阮品強1943年2012年1月24號),人稱阮 sir、阮伯,香港民主黨嘅創黨黨員,而民主黨嘅黨歌「飛越狂飆」亦係出自佢手筆[1]

阮品強
出世 1943年
2012年1月24號
 香港
國籍 中國香港
職業
出名原因中西區區議會中環選區)議員、中學音樂老師、前中西區區議會主席(1994年-1997年)
宗教信仰 宗教
配偶
阮品強 - 相入面揸住士的嗰個

簡歷

原本係伊斯蘭脫維善紀念中學音樂教師嘅佢,早喺八十年代活躍香港民主運動,喺1986年開始參加區議會選舉,重成功當選。打後多屆嘅區議會選舉都未輸過。佢亦參加過1998年香港立法會選舉,但只係得同名單嘅李柱銘楊森當選。直到2011年,阮品強年紀開始老,決定交棒。

阮品強喺2003年去雲南玩時因為高山症引發心臟病喺酒店暈低,要用專機送返嚟香港醫,2009年參加七一大遊行嗰陣亦都試過中暑入醫院。

2012年1月24號,阮品強喺筲箕灣新成街屋企突然間暈低喺地下,朋友發現之後送院搶救,但係最後都救唔返,享年69歲[2]。同阮品強識咗26年嘅中西區區議員鄭麗琼話,阮品強喺1月14號重落區幫佢哋手搞地區工作,前排重打電話畀佢交代春茗嘅事,覺得對方冇咩特別,估唔到會突然去咗。

屋企人

佢冇結過婚,有兩個妹。生前同朋友住喺筲箕灣新成街一個單位。

參考

  1. "民主黨元老阮品強猝死". 蘋果日報. 2012-01-26. 喺2012-02-16搵到. 
  2. "前區議員阮品強寓所猝死". 太陽報. 2012-01-26. 喺2012-02-16搵到.