李柱銘
李柱銘，SC，JP（英文：Martin LEE Chu-ming，1938年6月8號—），香港出世；係香港嘅資深大律師、立法會前議員同民主黨嘅前任黨主席；係個天主教徒。
| 李柱銘 | |
|---|---|
 李柱銘喺咖啡室度，2019年5月影 | |
| 出生日 | 1938年6月8號  （86歲） |
| 出生地 | 英屬香港 |
| 國籍 | 香港 |
| 信奉 | 天主敎 |
| 母校 | 香港大學、和域大學 |
| 職業 | 政治人、大律師、太平紳士 |
| 政黨 | 民主黨 |
[改維基數據] | |
由於佢過去長期積極關注同埋領導香港民主運動，同埋作為泛民主派嘅領袖之一，所以有「香港民主之父」之稱。佢推崇民主、自由、人權等等西方世界普世價值，喺激進泛民冒起之前，佢係被親中陣營長期針對嘅其中一個目標。
屋企
編輯李柱銘祖籍廣東惠州，不過佢係香港出世。同老婆有個仔（李祖詒，佢曾經同莎莎國際嘅郭少明二女郭詩雅拉埋天窗）。佢阿爸李彥和曾經係中國國民黨軍官。
生平
編輯李柱銘響九龍華仁書院讀書，香港大學文學士畢業。之後響聖若瑟英文中學做教書先生。三年後，佢去英國倫敦林肯律師學院學法律。
1979年佢被委任做御用大律師。1980年至1983年當選香港大律師公會主席。1985年開始做立法局法律界功能界別議員，1991年轉戰地區直選，由1985年至1991年做香港法律改革委員會委員，幫香港改革殖民地法律到代議政制，同推動法律雙文化。1988年至1991年，佢被委任做香港消費者委員會主席。
雖然李柱銘喺2008年唔再冧莊立法會議員，但佢依然活躍泛民主派嘅社會運動，好似七一遊行、雨遮革命、香港修例風波等等。
2021年4月16號，李柱銘因煞停警黑亂港落實五大訴求集會干犯非法集結，罪名成立，被判坐花廳11個月，緩刑兩年。
專業資歷
編輯獎
編輯參選記錄
編輯立法局/立法會選舉
編輯| 年度 | 選區 | 政治聯繫 | 得票 | 當選 | 註 |
|---|---|---|---|---|---|
| 1985年 | 法律界 | 488 | 當選 | ||
| 1988年 | 法律界 | 自動當選 | 當選 | ||
| 1991年 | 港島東 | 港同盟 | 76,831 | 當選 | |
| 1995年 | 港島東 | 民主黨 | 37,459 | 當選 | |
| 1998年 | 香港島 | 民主黨 | 143,843 | 當選 | 名單頭兩人當選 |
| 2000年 | 香港島 | 民主黨 | 92,074 | 當選 | 名單頭兩人當選 |
| 2004年 | 香港島 | 民主黨 | 131,788 | 當選 | 名單頭兩人當選 |
出面網頁
編輯
- 〈李柱銘 資深大律師 暨 立法會議員〉。
- "Bar List at Hong Kong Bar Association".
- 〈香港特別行政區立法會 - 議員資料庫〉 (繁體中文)。香港特別行政區立法會。
- 李柱銘在《華爾街日報》的文章原文，明報
- 評論文章
攷
編輯- ↑ 〈馬會終止黎智英、李柱銘、何俊仁等會籍 共涉14人〉。HK01。2021-09-16。喺2024-04-01搵到。