防止強迫維吾爾勞動法
《防止強迫維吾爾勞動法》係一條美國法案，禁止進口所有來自新疆嘅產品，除非企業提供明確同埋令人信服嘅證據，證明佢哋嘅供應鏈入面無強迫勞動，先可以獲准進口[1][2]。
呢條法案由參眾兩院十幾位兩黨議員喺2020年3月聯署推出，發起人包括國會及行政當局中國委員會(CECC)主席、民主黨眾議員占·麥戈文（Jim McGovern）、委員會共同主席、共和黨參議員馬高·魯比奧（Marco Rubio）同埋曾經擔任過該委員會主席嘅共和黨眾議員克里斯·史密斯（Chris Smith）等人[1]。
影響
編輯由於新疆係中國主要嘅棉花產區，法案如果生效，中國嘅大部分輸美棉花產品可能會被禁。美國國會通過咗《防止強迫維吾爾勞動法》之後，良好棉花發展協會（BCI）之後就有提議去抵制新疆棉花。2021年3月1號，BCI上海代表處微信公眾號發佈叫咗「關於新疆問題的重要申明」嘅文章，喺度申明明確指出，BCI中國專案團隊嚴格遵從BCI嘅審核原則，由2012年開始對新疆專案點所執行嘅歷年第二方可信度審核同第三方驗證，就話未發現一例有關強迫勞動嘅事，呢篇文被人認為係雙重標準[3]。
2021年3月22號，歐洲聯盟、英國、美國同加拿大宣佈就維吾爾人嘅大清洗對中華人民共和國官員實施制裁，係自1989年六四事件歐盟對中國實施武器禁運以嚟嘅首次制裁。[4]響2021年3月24號朝早，中國共青團中央嘅官方賬戶係第一個開始喺新浪微博度發文批鬥[5]，針對H&M喺2020年9月出過嘅一份聲明話唔會再用新疆棉花[6][7]。嗰份聲明被認為係對維吾爾人嘅大清洗去表態[8]，而喺中國大陸社交網絡上就被官媒同網民發起抵制行動[1][9]。
爭議
編輯蘋果被揭遊說國會議員反對
編輯2020年11月21號，《華盛頓郵報》揭發，蘋果公司喺參議院游說國會議員反對法案。[2]因為北京未經諮詢或香港人同意強行訂立《港版國安法》嘅而被逼流亡海外嘅前香港立法會議員羅冠聰，就喺社交網站回應事件，有提到Apple Store唔畀員工佩帶黃口罩，禁止喺Apple Pencil上刻「liberate HKERS」字眼，呼籲要監察呢啲公司嘅言行，防止佢哋為咗配合中共而犧牲人權自由。[10]
睇埋
編輯資料來源
編輯- ↑ 1.0 1.1 1.2 1.3 李逸華 (2020-09-23)。〈眾議院通過《防止強迫維吾爾勞動法》〉。《美國之音》。喺2020-11-22搵到。
- ↑ 2.0 2.1 Reed Albergotti (2020-11-21). "Apple is lobbying against a bill aimed at stopping forced labor in China". 《華盛頓郵報》 (美國英文). ISSN 0190-8286. 喺2020-11-22搵到.
- ↑ 李司坤; 邢晓婧; 李萌、高雷 (2021-03-25)。〈H&M抵制新疆棉花惹众怒，深挖背后还有阿迪耐克等国际品牌！〉。《環球時報》。喺2021-03-25搵到。
- ↑ 〈路透：歐盟同意制裁中國官員 六四事件後30餘年來首見 | 國際 | 重點新聞 | 中央社 CNA〉。www.cna.com.tw (臺灣中文)。喺2021-03-22搵到。
- ↑ 陳駿豪 (2021-03-25)。〈【新疆棉風暴】共青團突狙擊H&M 分析：中共策動警示外國〉。美國之音。喺2021-03-26搵到。
- ↑ 黃麗玲 (2021-03-25)。〈国际品牌停用疆棉在中国引发抵制浪潮 这一套世界要继续吃吗？〉。美國之音。喺2021-03-25搵到。
- ↑ H&M Group (2020年10月). "H&M Group statement on due diligence" (英文). 喺2021-03-24搵到.
- ↑ 〈H&M等拒用新疆棉 中国再掀抵制热潮〉。RFA。2021-03-24。喺2021-03-25搵到。
- ↑ 〈HM被共青团中央官微点名批评：一边造谣抵制新疆棉花一边在中国赚钱〉。finance.china.com.cn。中國網。原著喺2021-03-26歸檔。喺2021-03-24搵到。
- ↑ 羅冠聰 (2020-11-22)。〈【美國戰線｜蘋果被揭遊說國會議員 阻新疆血汗產品禁令通過】〉。Facebook。喺2020-11-22搵到。