維基百科

新疆棉花風波

因新疆棉花而引發嘅風波

新疆棉花風波係指中國共青團因瑞典時裝集團H&M 2020年喺社交媒體度講咗喺新疆拘留營度強制勞役勞工去整呢啲嘢，而喺2021年3月重提呢件事引起嘅詏撬[1]。而呢件事後中國官媒人民網同《環球時報》，就公開帶頭號召啲人去抵制返相關嘅廠商，主要針對多個參與BCI（良好棉花發展協會）嘅國際時裝品牌[2]。由於成件事發展係再刺激咗反西方商品嘅情緒，引發埋連串對Nike、Adidas同PUMA等其他服裝牌子嘅抵制同埋唔同品牌大中華區代言人陸續解約嘅事[3]。

新疆嘅棉花田

事態發展 編輯

響2020年9月22號，美國國會通過咗《防止強迫維吾爾勞動法》，BCI之後就有提議去抵制新疆棉花。2021年3月1號，BCI上海代表處微信公眾號發佈叫咗「關於新疆問題的重要申明」嘅文章，喺度申明明確指出，BCI中國專案團隊嚴格遵從BCI嘅審核原則，由2012年開始對新疆專案點所執行嘅歷年第二方可信度審核同第三方驗證，就話未發現一例有關強迫勞動嘅事，呢篇文被人認為係雙重標準[4]。2021年3月22號，歐洲聯盟、英國、美國同加拿大宣佈就維吾爾人嘅大清洗對中華人民共和國官員實施制裁，係自1989年六四事件歐盟對中國實施武器禁運以嚟嘅首次制裁。[5]

官方發動抵制浪潮 編輯

響2021年3月24號朝早，中國共青團中央嘅官方賬戶係第一個開始喺新浪微博度發文批鬥[6]，針對H&M喺2020年9月出過嘅一份聲明話唔會再用新疆棉花[7][8]。嗰份聲明被認為係對維吾爾人嘅大清洗去表態[9]，而喺中國大陸社交網絡上就被官媒同網民發起抵制行動[10][11]。冇耐，H&M大中華區代言人宋茜、黃軒嘅工作室喺嗰日出聲明話已經停咗同H&M嘅合作[12][13]。

響官方發動咗抵制浪潮嘅同一日，幾間電商平台包括淘寶、京東、拼多多等就突然全面將所有H&M嘅貨落晒架，百度地圖冇再顯示H&M喺上海嘅十幾間門店嘅位置[14]。中國幾個Android應用程式商店將HM商城App落架[15]。成都大悅城將H&M商標除咗落嚟[16]，另外新疆匯嘉時代百貨對H&M門店收鋪措施並出聲明要求H&M對新疆人民道歉[17]。

H&M出咗聲明之後，有中國大陸嘅網民就留意到個份聲明係基於瑞士良好棉花發展協會（BCI）去出，所以網民就將矛頭指去佢哋度；中國體育品牌安踏亦喺同日喺微博度宣佈退出良好棉花發展協會[18]。外界亦覺得咁樣仲有機會牽連埋其他入咗BCI有關嘅品牌[19][20]。

中國大陸當局嘅公開表態 編輯

中華人民共和國商務部新聞發言人高峰就話，新疆地區有強迫勞動呢件事係「子虛烏有」，「純白無瑕的新疆棉花不容任何勢力抹黑玷污」[21]。中華人民共和國外交部發言人華春瑩喺例行記者會度話，有關新疆地區強迫勞動嘅指責係「個別反華勢力炮製的惡意謊言」[22]，並表示中方反對「基於謠言和謊言對中國進行惡意攻擊，甚至損害中方的利益」，唔畀得外資企業「一邊吃着中國的飯，一邊砸着中國的碗」[23]，回應記者提問嗰陣，華春瑩表示「這絶對不是什麼民族主義，而是樸素的愛國主義[24]。」中國消費者協會表示，呢個做法嚴重傷害中國消費者嘅感情，侵害消費者嘅合法權益[25]。中華人民共和國人民解放軍就鬧H&M聲明係「無知、傲慢」。中國共青團喺微博發出聲譴責H&M「在刻意給新疆棉花找茬」，「一邊散播謠言、抵制新疆棉，一邊賺錢？是在痴心妄想[26]！」

響2021年3月22號，中國駐英國大使館喺網站度回應話，喺新疆整嘅木棉花已經係機械化晒咁整，唔使出好多人力，所以唔認同強迫勞動呢個講法[27][28]。而中國棉花協會表示，反對以美國行頭嘅西方各國對新疆紡織服裝供應鏈同佢相關產品實施任何限制，要敦促佢哋唔好再做唔啱嘅嘢、用行動支持新疆棉花[29]。

公眾人物跟貼企隊形 編輯

響呢單嘢度，有唔少兩岸三地嘅藝人同公眾人物都表態支持新疆棉花[30]。新疆藝人佟麗婭、迪麗熱巴、古力娜扎、哈妮克孜，維吾爾族Rap藝人艾熱通過微博出聲話支持家鄉嘅棉花[31][32]。

喺香港藝人方面，陳奕迅就出咗聲名話唔會做污名化中國嘅嘢，所以唔會同Adidas再有任何合作[33]。而其他香港藝人，例如容祖兒、陳小春等就喺微博發文話「我支持新疆棉花」去表態[34]。

H&M 編輯

H&M喺2021年3月宣佈，將會終止採購新疆棉花並停止同新疆製造商合作。

淘寶、京東、拼多多等多個中國大陸地區嘅電商平台亦蔽咗H&M商店同埋相關商品，但係中國大陸官方網站仍然照常運作。

百度地圖、高德地圖亦蔽咗「H&M」或者「HM」，中國多個Android應用程式亦將HM商城App下架[35]。

成都大悅城將H&M商標摘下[36]，另外新疆匯嘉時代百貨對H&M門店採取刪店措施並發表聲明，要求H&M對新疆人民道歉[37]。

原H&M大中華區地區代言人包括宋茜、黃軒工作室亦喺當日發表聲明，表示已終止同H&M之間嘅合作[38][39]。

H&M集團其後喺3月24號發表聲明話，佢哋集團一貫秉持公開透明嘅原則管理全球供應鏈，確保全球範圍所有供應商遵守可持續發展承諾，包括《經合組織負責任的商業行為準則》，呢次決策唔代表任何政治立場。

其他受牽連名牌 編輯

Nike 編輯

響2021年3月24號，中國大陸網民發現Nike喺2021年前喺過佢嘅英文官網度出咗一篇叫「NIKE STATEMENT ON XINJIANG」嘅文[40]。外界解讀做係Nike指控維吾爾族有種族滅絕呢件事。而喺中國大陸網絡度，好多網民反對嗰份聲明，同埋有大量抵制嘅聲音[41]。喺第二日，中國大陸藝人王一博、譚松韻所屬嘅經紀公司宣佈停止同Nike嘅所有合作[42]。H&M集團喺3月24號出聲明話，佢哋一向秉持公開透明嘅原則管理佢哋嘅全球供應鏈，確保全球範圍入面嘅供應商遵守佢哋嘅可持續發展承諾，例如《經合組織負責任的商業行為準則》，並唔代表任何政治立場[43]。之後人民日報旗下「人民日報評論」微博表示中國網民唔接受，強調「國家利益高於一切」[44]。

Adidas 編輯

響2021年3月25號下晝，陳奕迅、彭于晏、楊冪、迪麗熱巴、易烊千璽、鄧倫、陳立農、王嘉爾、彭昱暢、Angelababy、宋妍霏、張鈞甯同趙露思等工作室喺官方微博出聲明話，宣佈唔同Adidas去合作，劉亦菲吧官方出微博話「經確認，劉亦菲女士與『Adidas』品牌已無合作關係」[45][46][47][48][49][50][51]。

影響 編輯

正面

響2021年3月25號，中國大陸A股、港股紡織服裝板塊漲停。有券商話，隨住安踏宣佈退出BCI，之後或者會有更多中國品牌繼續用新疆棉花，將會刺激國內市場對國貨嘅消費熱情[52]。

睇埋 編輯

參考 編輯

  1. ↑ 〈【新疆棉風暴】多個外國品牌遭官媒點名狙擊　藝人中止與 Nike 代言　陸網民興抵制潮〉. 《立場新聞》. 2021-03-25. 原著喺2021-03-25歸檔. 喺2021-03-25搵到.
  2. ↑ 官媒鼓动抵制国际时装品牌 仇外“爱国主义”成主旋律 RFA 2021-03-25
  3. ↑ 陳燕豪 (2021-03-24). 〈H&M中国掀抵制延烧　赵丽颖 李宇春被波及〉. 馬來西亞東方日報. 喺2021-03-25搵到.
  4. ↑ 李司坤; 邢晓婧; 李萌; 高雷 (2021-03-25). 〈H&M抵制新疆棉花惹众怒，深挖背后还有阿迪耐克等国际品牌！〉. 《環球時報》. 喺2021-03-25搵到.
  5. ↑ 〈路透：歐盟同意制裁中國官員 六四事件後30餘年來首見 | 國際 | 重點新聞 | 中央社 CNA〉. www.cna.com.tw (臺灣中文). 喺2021-03-22搵到.
  6. ↑ 陳駿豪 (2021-03-25). 〈【新疆棉風暴】共青團突狙擊H&M　分析：中共策動警示外國〉. 美國之音. 喺2021-03-26搵到.
  7. ↑ 黃麗玲 (2021-03-25). 〈国际品牌停用疆棉在中国引发抵制浪潮 这一套世界要继续吃吗？〉. 美國之音. 喺2021-03-25搵到.
  8. ↑ H&M Group (2020年10月). "H&M Group statement on due diligence" (英文). 喺2021-03-24搵到.
  9. ↑ 〈H&M等拒用新疆棉 中国再掀抵制热潮〉. RFA. 2021-03-24. 喺2021-03-25搵到.
  10. ↑ 黄斌 (2021-03-24). 〈安踏体育称将退出良棉协会，此前H&M因声明暂停用新疆棉花遭中国抵制〉. Reuters. 原著喺2021-03-27歸檔. 喺2021-03-24搵到.
  11. ↑ 〈HM被共青团中央官微点名批评：一边造谣抵制新疆棉花一边在中国赚钱〉. finance.china.com.cn. 中國網. 喺2021-03-24搵到.
  12. ↑ 宋茜工作室. 〈严正声明〉. 《新浪微博》. 喺2021-03-24搵到.
  13. ↑ 黄轩工作室. 〈声明：坚决反对以任何形式企图对国家及人权进行抹黑造谣的行为！〉. 《新浪微博》. 喺2021-03-24搵到.
  14. ↑ 〈【新疆棉之爭】H&M停用新疆棉花立即遭官媒狙擊，電商下架產品門店也被「消失」〉. Business Digit. 2021-03-25. 原著喺2021-03-25歸檔. 喺2021-03-25搵到.
  15. ↑ 〈继多家电商平台下架HM后 多款地图App屏蔽HM〉.
  16. ↑ 〈H&M抵制新疆棉花惹众怒 成都大悦城将H&M商标摘下〉.
  17. ↑ 〈新疆一百货公司关闭H&M门店并要求道歉〉. 《聯合早報》. 2021-03-25. 喺2021-03-25搵到.
  18. ↑ 黄斌. 〈安踏体育称将退出良棉协会 此前H&M因声明暂停用新疆棉花遭中国抵制〉. 路透社. 喺2021-03-25搵到.
  19. ↑ 〈【新疆棉之爭】H&M被中國抵制後將牽連更多品牌？一圖看清BCI相關品牌〉. Business Digest. 2021-03-25. 原著喺2021-03-25歸檔. 喺2021-03-25搵到.
  20. ↑ 〈天下圍中 掀品牌外交戰！官媒再點名Burberry、Adidas抹黑新疆 王一博跟Nike解約 fb加入戰團〉. 香港蘋果日報. 2021-03-25. 原著喺2021-03-25歸檔. 喺2021-03-25搵到.
  21. ↑ 于佳欣 (2021-03-25). 〈商务部回应H&M抵制新疆棉花：希望纠正错误做法避免商业问题政治化〉. 《新華網》. 喺2021-03-25搵到.
  22. ↑ 〈外交部回应H&M涉疆声明：中国人民的民意不可欺不可违〉. 《国际金融报》. 2021-03-25. 喺2021-03-25搵到.
  23. ↑ 〈中国外交部：不允许外企吃中国饭砸中国碗〉. 《聯合早報》. 2021-03-25. 喺2021-03-25搵到.
  24. ↑ 〈H&M：国际服装巨头因拒用新疆棉花遭遇中国强烈抨击〉. BBC. 2021-03-25. 喺2021-03-25搵到.
  25. ↑ 趙文君 (2021-03-25). 〈中消协：H&M事件严重伤害消费者合法权益〉. 《新華社“新華視點”微博》. 喺2021-03-25搵到.
  26. ↑ 常陽 (2021-03-25). 〈新疆棉花 拒用新疆棉绝非H&M一家　Adidas迪卡侬Puma也在列〉. 《香港01》. 喺2021-03-25搵到.
  27. ↑ 张柏漪 (2021-03-23). 〈中国驻英国使馆杨晓光临时代办就涉疆问题等接受英国媒体采访 驳斥英方错误言论〉. 央視新聞客戶端. 喺2021-03-25搵到.
  28. ↑ 〈中使馆驳斥涉疆谣言〉. 環球時報. 2021-03-25. 喺2021-03-25搵到.
  29. ↑ 〈中国棉花协会：坚决支持新疆棉花〉. 《中國新聞網》. 2021-03-25. 喺2021-03-25搵到.
  30. ↑ 林瑾 (2021-03-25). 〈H&M拒用新疆棉花惹中國官媒痛批　眾明星轉發「我支持新疆棉花」〉. 香港01. 喺2021-03-25搵到.
  31. ↑ 〈國內藝人紛紛發聲支持新疆棉〉. 《文匯網》. 2021-03-25. 喺2021-03-25搵到.
  32. ↑ 〈H&M惹众怒！佟丽娅肖战王一博等众星发声支持新疆棉花〉. 《半島網》. 2021-03-25. 喺2021-03-25搵到.
  33. ↑ 〈新疆棉風波 陳奕迅宣佈與adidas終止逾10年合作 大陸眾星爆品牌割席潮〉. 香港蘋果日報. 2021-03-25. 原著喺2021-03-27歸檔. 喺2021-03-25搵到.
  34. ↑ 〈品牌停用新疆棉花引內地民眾不滿 容祖兒／陳偉霆／陳小春等轉發「我支持新疆棉花 」〉. Yahoo新聞. 2021-03-25. 喺2021-03-25搵到.
  35. ↑ 〈繼多家電商平台下架HM後 多款地圖App屏蔽HM〉.
  36. ↑ 〈H&M抵制新疆棉花惹眾怒 成都大悅城將H&M商標摘下〉.
  37. ↑ 〈新疆一百貨公司關閉H&M門店並要求道歉〉. 《聯合早報》 (簡體中文). 2021-03-25. 喺2021-03-25搵到.
  38. ↑ 宋茜工作室. 〈嚴正聲明〉. 《新浪微博》. 喺2021-03-24搵到.
  39. ↑ 黃軒工作室. 〈聲明：堅決反對以任何形式企圖對國家及人權進行抹黑造謠的行為！〉. 《新浪微博》. 喺2021-03-24搵到.
  40. ↑ "NIKE STATEMENT ON XINJIANG". NIKE. 原著喺2020-03-12歸檔.
  41. ↑ "Mainlanders 'angered' by Nike Xinjiang statement" (英文). 香港電台網站. 2021-03-25. 喺2021-03-25搵到.
  42. ↑ 〈王一博、谭松韵终止与耐克品牌合作，该品牌关联公司涉及多起劳动争议纠纷等〉. 《界面新聞》. 2021-03-25. 喺2021-03-25搵到.
  43. ↑ 蔡美珍; 宿泱韫 (2021-03-25). 〈H&M抵制新疆棉花在中国社群媒体掀起怒潮 回应称"不代表任何政治立场"〉. 《路透社》. 原著喺2021-03-27歸檔. 喺2021-03-25搵到.
  44. ↑ 〈被集中抵制后H&M中国发声明 网民不买账〉. 《聯合早報》. 2021-03-25. 喺2021-03-25搵到.
  45. ↑ 〈杨幂热巴易烊千玺等宣布终止与阿迪达斯一切合作〉. 《新浪娱乐》. 2021-03-25. 喺2021-03-25搵到.
  46. ↑ CSIDE宋妍霏工作室. 〈声明！〉. 《新浪微博》. 喺2021-03-25搵到.
  47. ↑ 张钧甯工作室. 〈声明〉. 《新浪微博》. 喺2021-03-25搵到.
  48. ↑ 彭于晏工作室. 〈声明〉. 《新浪微博》. 喺2021-03-25搵到.
  49. ↑ 赵露思工作室官微. 〈声明〉. 《新浪微博》. 喺2021-03-25搵到.
  50. ↑ 陳奕迅所長. 〈声明〉. 《新浪微博》. 喺2021-03-25搵到.
  51. ↑ 刘亦菲吧官方. 〈经确认，刘亦菲女士与"Adidas"品牌已无合作关系。〉. 《新浪微博》. 喺2021-03-25搵到.
  52. ↑ 〈新疆棉发威！李宁暴涨10.74% 纺织服装批量涨停 多只股票却集体"作妖"〉. 《中國證券報》. 2021-03-25. 喺2021-03-25搵到.
由「https://zh-yue.wikipedia.org/w/index.php?title=新疆棉花風波&oldid=2074290」收