降魔的2.0》(英文The Exorcist's 2nd Meter),係香港無綫電視製作嘅時裝奇幻電視劇,係《降魔的》續集,由馬國明黃智雯胡鴻鈞領銜主演,並由劉佩玥鄧佩儀譚凱琪C君蔣志光謝雪心聯合演出,總共有25集,編審羅佩清,監製方駿釗

故仔大綱 編輯

的士司機馬季(馬國明飾)繼承精靈石敢當嘅天命,走上降魔之路,更同長大嘅好朋友莫偉豪(胡鴻鈞飾)嘅靈魂重逢,亦識咗降魔姐弟施萊斯(鄧佩儀飾)同埋施勞斯(麥凱程飾)。但係當日魔嘅詛咒成為馬季對醫生莊芷若(黃智雯飾)嘅心結。芷若之後同精靈風獅爺(C君飾)結緣,終於喚醒咗潛藏嘅鬼域記憶⋯⋯貝貝娜(劉佩玥飾)為馬季而死後,轉化靈體嚟守候佢,可惜貝娜眷戀人世,欲斷不能離。一單虐兒案,觸發魔嘅能力捲土重來,原來偉豪一直受到神秘魔力操控;馬季驚悉背後真相,被迫喺情義同降魔之間作出沉痛抉擇。

角色表 編輯

演員 角色 暱稱/人物關係/經歷
楊凱博(童年) 馬 季 小馬、的士佬、高高(莉莉專稱)
36歲
的士司機 / 陰陽眼人 / 降魔人
梁晶晶嘅養子
莫偉豪嘅好朋友兼無血緣關係嘅哥哥,喺八歲浸親被佢救返,但間接令到佢浸死,所以對佢覺得好內疚,喺第1集見返佢嘅亡靈
同莊芷若係最熟悉嘅陌生人兼同佢有感情線,但因為自己喺第一輯被Salvia(鼠尾草魔)詛咒自己永遠都唔會幸福,而成為自己對莊芷若嘅心結,為咗唔想拖累佢而有心疏遠佢
石敢當嘅好兄弟,繼承佢降魔伏妖嘅天命
貝貝娜嘅好朋友兼暗戀對象,因為自己間接害死佢而覺得內疚,之後放低對佢嘅內疚
莉莉、陳永廉嘅朋友
喺第1集先後重遇莫偉豪同莊芷若,但因為自己被Salvia詛咒而刻意疏遠莊芷若
喺第2集被莫偉豪威脅唔好再做降魔人,否則佢哋就由朋友變成敵人
喺第5集知道莫偉豪被海魔詛咒成羅剎
喺第6集發現莊芷若有同靈體心靈感應嘅能力
因為郭展明嘅死而被張佩玲憎恨,喺第7集見到張佩玲母子孤苦無依而對殺死郭展明覺得內疚
喺第7集結尾被比利變成嘅張佩玲用刀捅傷,喺第8集被比利困喺幻境同重遇龍茂、莫有爲、季莉芙、Salvia同石敢當,最後喺石敢當嘅幫助下離開幻境
喺第9集醒返同成為比利嘅主人,之後要求比利變成郭展明嘅樣去阻止張佩玲母子自殺
喺第9集向莊芷若承認自己殺咗郭展明同消滅佢嘅靈魂
喺第11集同貝貝娜救返被捉走嘅莉莉
喺第17集同莊芷若、貝貝娜、風獅爺、施勞斯幫貝貝娜父母解開心結同完成心願,之後莊芷若話佢知貝貝娜準備去目的地
喺第19集同借用莊芷若身體嘅貝貝娜拍拖一日
喺第20集幫貝貝娜放低執念,同佢道別後送佢去目的地
喺第22集同莊芷若入咗Thalassa製造嘅幻海結界
喺第23集被Thalassa襲擊而受傷,之後莊芷若用風獅爺嘅披風將佢送返嚟現實世界,之後知道Thalassa被消滅嘅話,莫偉豪會跟住消失
喺第24集同莫偉豪返去結界同Thalassa戰鬥,但打唔過佢,好彩有風獅爺出手相助,之後救返莊芷若同將佢送返去現實世界,喺風獅爺決定犧牲自己消滅Thalassa時阻止佢
喺第25集同Thalassa對決時成功感化佢,佢仲將所有靈力俾晒自己,喺返嚟現實世界發現梁晶晶知道自己一定要消滅莫偉豪而精神失常,所以利用比利抹走佢對自己同莫偉豪嘅記憶,最後同恢復記憶嘅梁晶晶向莫偉豪道別後忍痛降伏佢
因為覺得自己殺咗莫偉豪兩次而好內疚,同梁晶晶嘅關係喺降伏莫偉豪之後變得疏離
喺第25集結尾發現降魔係詛咒,雖然自己終於成為一個真正嘅降魔人,但同時亦都變成一個最失敗嘅人
睇返降魔的
馬國明
黃智雯 莊芷若 芷若、莊醫生、Dr. Chong、芷若姐姐、醫生姐姐
32歲
急症室醫生 / 陰陽眼人
同馬季係最熟悉嘅陌生人兼同佢有感情線,但對方因為被Salvia詛咒而有心疏遠自己
貝貝娜嘅情敵兼朋友,陪佢同幫佢完成心願
喺第一輯入過鬼域之後打通咗自己同靈體心靈感應同通靈嘅能力
被Salvia借用佢嘅樣示人
喺第1集重遇馬季,但對方因為被Salvia詛咒而刻遠疏遠自己
喺第6集發現自己有同靈體心靈感應嘅能力
喺第8集錫咗馬季後記返起第一輯自己喺鬼域嘅經歷,仲知道馬季犯咗殺業同被Salvia詛咒而感受到馬季內心嘅痛苦,所以希望幫佢解咒
喺第11集發現風獅爺偷偷地收藏自己嘅底褲,之後喺對方嘅幫助下暫時開咗天眼,所以能夠睇到靈體同發現自己有通靈嘅能力
喺第12集第一次見到貝貝娜嘅亡靈
喺第12集被風獅爺發現自己嘅天眼開咗十幾日都未閂返,喺佢嘅提醒下知道自己身邊最需要幫忙嘅亡靈係貝貝娜,之後發現貝貝娜最大嘅執念係馬季
喺第12集結尾陪貝貝娜去佢嘅墳墓
喺第17集同馬季、貝貝娜、風獅爺、施勞斯幫貝貝娜父母解開心結同完成心願,之後同馬季講貝貝娜準備去目的地
喺第19集為咗完成貝貝娜最後嘅心願將身體借畀貝貝娜,畀佢同馬季拍拖一日
喺第20集同貝貝娜道別
喺第21集風獅爺為咗保護佢而封印佢嘅天眼同通靈能力,去切斷佢同靈界嘅聯系,但佢之後恢復返佢嘅天眼同通靈能力
喺第22集同馬季入咗Thalassa製造嘅幻海結界
喺第23集用風獅爺嘅披風將受傷嘅馬季送返去現實世界後被困喺結界入面
喺第24集被馬季救返之後返嚟現實世界
喺第25集結尾幫心跳停頓嘅龍婆(靈媒)急救,之後龍婆突然醒返,仲話自己係佢嘅未來
睇返降魔的
鄭耀軒(童年) 莫偉豪 豪仔
羅剎,靠食人嘅靈魂為生,需要用靈力維持人形,喺情緒激動時會變返做羅剎
八歲時為咗救馬季而浸死,成為水鬼,喺修練後有成年人嘅體態
梁晶晶嘅仔,因為被Thalassa操控而唔願喺佢面前現身,亦唔願同佢相認
馬季嘅好朋友兼無血緣關係嘅細佬
Thalassa嘅手下,喺浸死後被佢詛咒做羅剎,因為同佢簽訂契約而有超越鬼魂嘅力量,同時被佢操控,之後一直想擺脫佢嘅操控
同施萊斯不和,之後和好同被佢暗戀
同貝貝娜不和
同施勞斯不和,之後因為施萊斯嘅死而被佢憎恨
被石敢當借用佢成年嘅形象示人
喺第1集喺馬季嘅的士上出現
喺第2集威脅馬季唔好再做降魔人,否則佢哋就由朋友變成敵人
喺第5集同馬季講自己被海魔詛咒成羅剎同希望佢將海魔消滅,令自己擺脫海魔嘅操控,其實係希望馬季親手降伏自己,令自己得到解脫
喺第11集指使水鬼拉施萊斯同施勞斯落海去獻畀Thalassa,之後因爲馬季趕到而停手
喺第18集同施萊斯達成交易,喺自己飢餓時鍚佢,以壓抑自己吸食人類靈魂嘅慾望
喺第18集結尾同梁晶晶相認
喺第23集同馬季講希望佢消滅自己,令自己得到解脫,之後變返做羅剎,但因為施萊斯犧牲自己而暫時恢復人性
喺第24集同馬季返去結界同Thalassa戰鬥,但打唔過佢,好彩有風獅爺出手相助
喺第25集向馬季同梁晶晶道別後被馬季降伏而消失
胡鴻鈞
劉佩玥 貝貝娜 啤啤、Bella
亡靈 / 靈界節目主持,死時24歲
莉莉嘅主人兼好朋友
馬季嘅好朋友兼暗戀佢
莊芷若嘅情敵兼朋友,喺佢嘅陪伴同幫助下完成心願
同莫偉豪不和
石敢當嘅朋友
喺上一輯已經被Salvia派手下殺死,死後以靈體狀態繼續留喺人間生活同陪住馬季
喺第8集求風獅爺救離魂嘅馬季,但被佢拒絕同指出只有馬季先救到自己
喺第11集同馬季救返被捉走嘅莉莉
喺第12集因爲莉莉被捉走而同莫偉豪爭執後離家出走,之後見到莊芷若
喺第12集結尾喺莊芷若嘅陪同下第一次到自己嘅墳墓,同接受自己已經死咗嘅事實
喺第17集知道父母最大的嘅心願係睇到自己出嫁,之後在風獅爺製造嘅夢境同施勞斯假結婚,去完成父母嘅心願
喺第19集為咗完成最後嘅心願而借咗莊芷若嘅身體同馬季拍拖一日,本來諗住同馬季開開心心咁過完最後一日就同佢道別,之後因為自己唔想離開馬季而靈力爆發同製造輪迴結界企圖困住馬季
喺第20集幾乎變成怨靈,之後喺馬季嘅幫助下放低執念,祝福馬季同莊芷若有情人終成眷屬,之後同莉莉、馬季同莊芷若道別,將莉莉寄生嘅洋娃娃交畀施萊斯同多謝莊芷若幫自己完成心願後由馬季送去目的地,最後喺馬季嘅的士上消失
喺第21集交代佢因爲聽咗Thalassa嘅歌聲而有製造輪迴結界嘅能力同幾乎變成怨靈
睇返降魔的
鄧佩儀 施萊斯 萊斯、Liz
27歲
降魔富二代,本身無靈力,靠高科技裝備降魔
施勞斯嘅孖生家姐,當佢係自己最重要嘅屋企人
九年前為咗救有重病嘅施勞斯而同魔交易,將自己嘅靈魂賣俾魔,十年後靈魂被魔收返就會死
因爲將自己嘅靈魂賣咗畀魔,所以被吸食靈魂時會反噬對方
艾鐵文嘅僱主兼朋友
同莫偉豪不和,之好和好同暗戀佢
莉莉嘅朋友
喺第10集用精靈球捉走莉莉嚟研究
喺第11集同施勞斯爭執,導致艾鐵文錯手將電磁波範圍調至十級,令莉莉受重傷
喺第11集結尾同施勞斯幾乎被莫偉豪指使嘅水鬼拉落海同獻畀Thalassa
喺第16集因被莫偉豪發現自己曾經同魔交易
喺第18集同莫偉豪達成交易,在佢飢餓時時錫佢,去壓抑佢吸食人類靈魂嘅慾望,之後成功勸佢同梁晶晶相認
由第20集起成為莉莉嘅新主人
喺第23集犧牲自己去喚醒莫偉豪嘅人性
喺第25集結尾交代施勞斯同魔交易,將自己嘅靈魂賣畀魔而換返佢嘅靈魂返嚟
譚凱琪 Thalassa 阿花、羅小姐、海魔
海中魔王,有幾千年嘅靈力,有時會幻化做人類喺地面活動
佢嘅歌聲(魔音)會令人同靈體行為失常
莫偉豪嘅主人,喺佢浸死後詛咒佢做羅剎,同佢簽訂契約,俾佢超越鬼魂嘅力量同喺背後操控佢,仲要求佢定期獻出降魔人
馬季嘅的士常客,成日飲醉、淨係去金魚街同搭霸王車
喺第21集結尾知道馬季係降魔人,喺第22集製造幻海結界,引馬季入去
喺第25集同馬季對決時被佢感化,將自己嘅靈力俾晒佢後化成珍珠沉喺海底
C 君 風獅爺 3000歲嘅石精靈
法力高強
石敢當嘅同鄉
鍾意睇女仔裙底同收集女性底褲
莊芷若嘅朋友兼守護佢
石敢當嘅同鄉,喺300年前將佢封印喺石頭入面
喺第4集知道石敢當因爲降魔而消失
喺第8集拒絕貝貝娜嘅請求去救離魂嘅馬季同指出只有馬季先救到自己
喺第11集被莊芷若發現自己偷偷地收埋佢嘅底褲,之後幫佢暫時開天眼,令佢睇到靈體
喺第12集發現莊芷若嘅天眼開咗十幾日都未閂,之後提醒佢身邊最需要幫忙嘅亡靈係貝貝娜
佢寄生嘅石頭由第13集起擺喺莊芷若屋企
喺第17集幫施勞斯暫時開天眼,之後製造夢境畀貝貝娜同施勞斯假結婚,去完成貝貝娜父母嘅心願
喺第21集為咗保護莊若若而封印佢嘅天眼同通靈能力去切斷佢同靈界嘅聯系
喺第22集唔想莊芷若捲入靈界紛爭而暗中同佢道別,但發現自己唔捨得佢
喺第24集諗住犧牲自己消滅Thalassa時終於明白石敢當犧牲自己降魔嘅心情,之後被馬季阻止自己同Thalassa玉石俱焚
口頭禪:你爺爺我⋯⋯
蔣志光 艾鐵文 鐵文
50歲
天才科學家
佢研發嘅儀器可以令冇靈力嘅人睇到靈體
施萊斯同施勞斯嘅僱員兼朋友,幫佢哋研發降魔裝備
梁晶晶嘅朋友
喺第11集喺施勞斯同施萊斯爭執時錯手將電磁波範圍調至十級,導致莉莉受重傷
喺第14集因爲被羅剎搶奪身體而處於離魂狀態,佢嘅靈魂喺梁晶晶用有降魔功能嘅佛牌項鍊將羅剎從佢嘅身體趕走後返入身體
喺第15集爲咗報答梁晶晶嘅救命之恩而將一副超自然量子探視鏡送畀佢,等佢見到莫偉豪嘅亡靈
賴慰玲(青年) 梁晶晶 晶晶
55歲
按摩師
好迷信
莫偉豪嘅媽媽,一直都好掛住佢
馬季嘅養母,喺莫偉豪死後收養佢
石敢當無血緣關係嘅媽媽
艾鐵文嘅朋友
當比利係屋企人
喺第14集用有降魔功能嘅佛牌頸鍊將羅剎從艾鐵文嘅身體趕走
喺第14集見到莫偉豪變成羅剎嘅樣,同知道莫偉豪靠吸食人的靈魂維生,雖然想同佢相認,但被佢拒絕
喺第15集腳痛都堅持上山到廟宇為莫偉豪誦經贖罪
喺第18集同馬季講自己已經知道佢繼承石敢當降魔伏妖嘅天命
喺第18集結尾同莫偉豪相認
喺第25集交代佢知道馬季一定要消滅莫偉豪後精神失常,所以被馬季利用比利抹走自己對佢同莫偉豪嘅記憶,喺恢復記憶後同馬季向莫偉豪道別
喺馬季消滅莫偉豪之後同馬季嘅關係變得疏離,雖然無怪馬季消滅莫偉豪,但佢見到馬季就會諗起莫偉豪,成為佢內心永不磨滅嘅傷痕
睇返降魔的
謝雪心
林凱恩 張佩玲 Ling
25歲
郭展明嘅女朋友,因為有咗佢嘅魔種而會被魔附身
為咗令郭展明復活而同比利交易,幫佢增強魔力
好憎馬季,將郭展明嘅死歸咎喺馬季身上,想向佢報仇
喺第7集知道郭展明無愛過自己同見到郭展明嘅投射消失之後崩潰
喺第9集生完BB之後打算同BB跳樓自殺,之後被比利變成嘅郭展明阻止
睇返降魔的
譚嘉儀 莉 莉 洋娃娃精靈
貝貝娜嘅洋娃娃同好朋友,因為被佢當做真人而有靈魂,成為精靈,寄生喺洋娃娃入面
馬季、施勞斯、施萊斯嘅朋友
喺第10集被施萊斯用精靈球捉走嚟研究
喺第11集幾乎被施勞斯消滅,之後打動佢同自己做朋友,但因爲施勞斯與施萊斯發生爭執,導致艾鐵文錯手將電磁波範圍調至十級而受重傷,之後被馬季同貝貝娜救返
喺第12集因能量消耗過大而要暫時返本體休息及沉睡,喺第16集醒返
喺第20集同貝貝娜道別,佢寄生嘅洋娃娃由貝貝娜交畀施萊斯
睇返降魔的
韋家雄 陳永廉 嘟嘟Sir
重案組高級警司
馬季嘅朋友,喺遇到同靈異有關嘅案件會搵佢幫手
睇返降魔的
黃子恆 郭展明 展明、魔警
張佩玲嘅男朋友
喺上一輯已經被馬季殺死同消滅靈魂
睇返降魔的
麥凱程 施勞斯 勞斯、Ross
27歲
降魔富二代,本身無靈力,靠高科技裝備降魔
施萊斯嘅孖生細佬
九年前有過重病,之後因為施萊斯同魔交易,將自己嘅靈魂賣俾魔而好返
艾鐵文嘅僱主兼朋友
莉莉嘅朋友
同莫偉豪不和,之後因為佢害死施萊斯而好憎佢
喺第11集打算消滅莉莉,之後被佢打動而想收養佢,但因爲自己同施萊斯爭執,導致艾鐵文錯手將電磁波範圍調到十級,令莉莉受重傷
喺第11集結尾同施萊斯幾乎被莫偉豪指使嘅水鬼拉落海同獻畀Thalassa
喺第17集被風獅爺暫時開咗天眼,之後喺佢製造嘅夢境同貝貝娜假結婚,去完成貝貝娜父母嘅心願
由第20集起成為莉莉嘅新主人
喺第25集結尾交代佢同魔交易,將自己嘅靈魂賣俾魔,去換返施萊斯嘅靈魂返嚟
易宇航 比 利 大話魔
呃張佩玲話可以令郭展明復活而同佢交易,利用張佩玲嘅自欺同妄想製造郭展明嘅投射,去增強自己嘅魔力
喺第7集變成張佩玲個樣捅傷馬季同令佢重傷,喺第8集將馬季嘅靈魂困喺幻境
喺第9集被莫偉豪收服後成為馬季嘅使魔,之後喺馬季嘅要求下變成郭展明嘅樣阻止張佩玲母子自殺
第9集起住喺馬季屋企同幫佢做家務,被梁晶晶當做屋企人
喺第25集喺馬季嘅要求下抹走梁晶晶對馬季同莫偉豪嘅記憶,之後被梁晶晶識破

出面網頁 編輯