黃智雯英文Mandy Wong Chi Man1982年12月21號—)係香港女演員,曾經參選2007年度香港小姐競選(入圍最後五強),而家係無綫電視(TVB)嘅經理人合約女藝員,曾經拎到多個人氣女角色同潛質女藝人獎項,喺2018年憑《三個女人一個「因」》嘅「方以因」成為雙料視后[1]同雙料民選視后。

黃智雯
Mandy Wong 201812.jpg
女藝人
英文名Mandy Wong Chi Man
花名ManMan、阿Dus、黃智Dus、wmm、星期日女王
國籍Flag of Hong Kong.svg 中國香港
籍貫廣東廣州
出世 (1982-12-21) 1982年12月21號(38歲)
英屬香港
職業演員、主持
語言粵語英語國語
教育程度香港演藝學院舞蹈及戲劇系表演藝術文憑
母校聖公會基德小學中文聖公會基德小學
文理書院(九龍)中文文理書院(九龍)
代表作品搜下留情中文搜下留情
缺宅男女
On Call 36小時系列
拆局專家
律政強人
降魔的系列
三個女人一個「因」
一個因去跳舞
十八年後的終極告白
使徒行者3
出名角色搜下留情中文搜下留情》- 鄭笑雯(鵪鶉妹)
缺宅男女》- 婁笑蘭(關二嫂)
On Call 36小時系列》 - 洪美雪
拆局專家》- 雷蕾
律政強人》- 方寧(Martha)
降魔的系列》- 莊芷若 / Salvia
三個女人一個「因」》- 方以因(Evie)/ 菠蘿椰奶(Pina Colada)/ 愁擘擘
十八年後的終極告白》- 阮麗瑾(Madam Yuen)
使徒行者3》- 章紀孜(Madam G)
活躍年代2007年至今
經紀公司無綫電視(2007年-)
網路電影資料庫(IMDb)資訊

簡歷

早年生活

黃智雯喺九龍新蒲崗大,讀過聖公會基德小學中文聖公會基德小學文理書院(九龍)中文文理書院(九龍),佢2002年喺香港演藝學院取得舞蹈文憑,主修音樂劇舞[2];並喺2007年取得戲劇文憑[3]。畢業後黃智雯曾經喺國泰航空做過3年嘅空姐[4]佢家姐係英皇教育嘅前補習名師Cathy Wong。

佢喺2007年參加香港小姐競選,入圍最後五強。

演藝生涯

2008年至2011年:新人出道,啱啱入無綫

2008年,黃智雯被安排入讀第22期無綫電視藝員訓練班,之後開始展開佢嘅演藝生涯。佢初期喺多部劇集之中飾演記者、鄰居、秘書等跑龍套角色。2009年,黃智雯喺潘嘉德監製嘅劇集《巴不得爸爸...》中飾演女主角胡杏兒嘅細妹蘇鳳蓮而開始為人熟悉,黃智雯喺劇入面嘅「眼鏡妹」造型更加被網民封咗做女神。自此以後黃智雯成為咗監製潘嘉德嘅御用演員。2010年,黃智雯喺時裝劇《搜下留情》中第一次做第三女主角,飾演女主角陳慧珊個懦弱怕事嘅妹妹「鵪鶉妹」鄭笑雯。劇入面黃智雯再次用「眼鏡妹」嘅造型亮相,好受觀眾歡迎,更加被媒體封咗做「宅男女神」。同年,黃智雯同無綫簽約,正式成為咗無綫經理人合約女藝員。[5] 2011年,黃智雯喺《居家兵團》、《怒火街頭》、《潛行狙擊》同《不速之約》之中都擔任幾重要嘅角色,戲份幾重,而且成功入圍《萬千星輝頒獎典禮2011》飛躍進步女藝員,被外界視為大熱人選之一。

2012年至2015年:演技進步,穩坐二線

2012年,黃智雯喺《缺宅男女》中飾演巴辣人妻婁笑蘭(關二嫂),佢鵲巢鳩佔嘅形象備受矚目,再次令佢受到觀眾歡迎,佢嘅演技亦都被網民盛讚進步咗好多。黃智雯之後喺《On Call 36小時》第一次做第二女主角,飾演見習醫生洪美雪。佢其後喺《飛虎》再次做第二女主角,飾演倔強飛虎蘇文強。之後佢喺《巴不得媽媽...》擔任第三女主角,同兩位經驗豐富嘅前輩級演員黃淑儀汪明荃合作,佢嘅表現同樣獲得讚賞。黃智雯喺2012年成功攞到《萬千星輝頒獎典禮2012》飛躍進步女藝員同埋入圍最佳女配角(最後兩強)。自此之後,黃智雯就成為無綫力捧花旦之一。

2013年,《女警愛作戰》喺香港地區首播,黃智雯喺劇中飾演一個外冷內熱嘅衝鋒隊督察司徒驕(Madam Kiu)。之後,佢喺《情逆三世緣》中飾演女主角關詠荷嘅妹妹田秋雁,呢次係佢首次演繹反派角色,呢套劇個監製莊偉建亦都喺媒體面前公開讚佢演得好出色。黃智雯憑《On Call 36小時II》嘅洪美雪一角入圍《萬千星輝頒獎典禮2013》最佳女配角,更加被外界視為大熱之一[6][7]。2014年,黃智雯喺台慶劇《飛虎II》中再次飾演女飛虎蘇文強,並憑住呢套劇入圍《萬千星輝頒獎典禮2014》最佳女配角同第一次入圍最受歡迎電視女角色。

2015年,黃智雯喺時裝劇《師奶MADAM》中飾演熊丹丹。同年,佢喺時裝懸疑劇集《拆局專家》中第一次擔正做第一女主角,飾演冷酷嘅雷蕾,並憑呢套劇首次入圍《萬千星輝頒獎典禮2015》最佳女主角。佢之後喺台慶劇《張保仔》中飾演青樓名妓朱淑君。

2016年到而家:晉升一線

2016年,黃智雯喺時裝溫情劇《超能老豆》飾演品性純良嘅諸麗花(花老師),其後喺《律政強人》中挑戰亦正亦邪嘅律師方寧(Martha),並憑住呢套劇首次入圍《TVB 馬來西亞星光薈萃頒獎典禮2016》「最喜愛TVB女主角」(最後五強)同獲得「最喜愛TVB電視角色」。同年12月,佢喺劇集《流氓皇帝》飾演吳多茹一角,當中嘅百樂門舞女造型吸引咗唔少網民關注。2017年,黃智雯喺《雜警奇兵》同《降魔的》擔正做第一女主角。佢憑住《雜警奇兵》龍麗莎(Laser姐)呢個角色獲得《星和無線電視大獎2017》「我最愛TVB電視女角色」。同年,佢喺台慶劇《降魔的》同時飾演溫柔熱血嘅急症室醫生莊芷若同千年黑色鼠尾草化身嘅魔(Salvia),演技獲得好評。[8]

2018年,黃智雯擔正做第一女主角嘅時裝劇《三個女人一個「因」》繼《雜警奇兵》後再次被放喺星期日黃金時段播放,黃智雯因為咁而被網民封做「星期日女王」[9][10]。劇入面佢飾演患有三重人格嘅大律師方以因(Evie),並同時分飾佢嘅次人格菠蘿椰奶(Pina Colada)同第三人格愁擘擘(阿愁)。劇入面三個截然不同嘅人格都被她賦予傳神嘅演繹,由正經內斂嘅主人格,狂野豪邁嘅次人格,憂鬱細膽嘅第三人格,以至人格模仿另一個人格嘅演繹都恰到好處,令佢嘅演技備受觀眾肯定。TVB更加喺觀眾熱烈要求下,破例喺MyTV SUPER上載20集足本版劇集。呢套劇播之出後,黃智雯獲邀喺第十七屆美國華裔小姐競選總決賽擔任特別嘉賓,主辦單位喺美國紐約時代廣場俗稱「世界第一屏」嘅納斯特克展示屏刊登廣告,令到佢成為史上第一位登上呢個廣告屏嘅TVB藝人。黃智雯喺「萬千星輝賀台慶」以大熱姿態奪得「馬來西亞最喜愛TVB女主角」同「新加坡最喜愛TVB女主角」兩個獎項[11],成為繼陳展鵬胡定欣陳豪佘詩曼之後第五個同時攞到兩地「雙料」名銜嘅演員。黃智雯亦都喺視評人方以文舉辦嘅《觀眾在民間電視大奬》同視評人游大東舉辦嘅《香港電視大獎》中攞到「民選最佳女主角」,成為觀眾投票選出嘅雙料「民選視后」。黃智雯亦都憑《三個女人一個「因」》喺《萬千星輝頒獎典禮2018》入圍「最佳女主角」同「最受歡迎電視女角色」最後五強,但最終未能獲獎。

2019年,黃智雯第一次一個人主持真人show節目《一個因去跳舞》。佢喺節目中由零開始學做韓國女團成員,拍攝期間更加因為訓練密集、欠缺休息而病咗,需入院打針,佢認真同敬業嘅態度獲觀眾稱讚[12][13]。同年,黃智雯喺劇集《街坊財爺》中飾演幫手解決貴利問題嘅社工朱瑪莉,同前輩鄭則仕苑瓊丹黎諾懿同埋邵美琪合作演出。

2020年,黃智雯喺時裝懸疑劇《十八年後的終極告白》擔正做第一女主角,飾演重案組督察阮麗瑾,劇集氣氛好沉重,加上角色經歷咗悲慘變故,令到佢喺拍完之後用咗接近半年時間抽離情緒[14]。同年,佢喺時裝奇幻喜劇《降魔的2.0》中再次擔正做第一女主角,再度飾演溫婉善良嘅醫生莊芷若,當中芷若借咗肉身俾鬼魂啤啤同馬季約會嘅一幕,黃智雯成功演繹到啤啤嘅神韻,演技得到唔少網民稱讚[15]。而《十八年後的終極告白》同《降魔的2.0》有兩個星期都係喺翡翠台兩個黃金時段緊接住播出,係佢第一次有主演嘅劇集同期疊播[16]。黃智雯憑《降魔的2.0》嘅莊芷若喺《hk01娛樂民選港劇大獎》攞到「最佳女主角」,係佢喺《三個女人一個「因」》嘅方以因後再度成為由觀眾投票選出嘅「民選視后」[17]。同年11月,黃智雯喺台慶劇《使徒行者3》擔正做第一女主角,飾演有學者症候群亞氏保加症嘅CIB總督察章紀孜(Madam G)。佢憑Madam G入圍《TVB萬千星輝頒獎典禮2020》最佳女主角、我最喜歡女角色同馬來西亞最喜愛TVB女主角,係佢繼《三個女人一個「因」》後再成為視后嘅大熱人選,可惜五強止步。除咗電視劇演出之外,佢仲喺1月第一次演出舞台劇《今晚打老虎》(共6場),飾演才女王秀英。

2020年5月-8月,黃智雯拍攝懸疑劇《刑偵日記》,喺劇入面飾演拆彈專家游雁星(Madam Sing),同王浩信袁偉豪黎諾懿,仲有前輩惠英紅姜皓文合作。同年10月-2021年2月,黃智雯拍攝以海關為題材嘅劇集《把關者們》,擔正做第一女主角,喺劇入面飾演海關貿易管制處商品說明調查科總貿易管制主任關佩欣(Madam Kwan),繼《On Call 36小時系列》之後再同袁偉豪飾演情侶。

圈中好友

黃智雯加入無綫電視之後人緣甚廣,佢嘅好朋友包括趙希洛胡杏兒胡定欣胡蓓蔚姚子羚李施嬅孫慧雪袁偉豪馬國明陳山聰謝東閔胡鴻鈞何遠東等,佢同胡杏兒、胡定欣、胡蓓蔚、姚子羚同李施嬅組成姊妹團「胡說八道會」[18],亦同袁偉豪、陳山聰、謝東閔、胡諾言、胡定欣、胡蓓蔚、姚子羚同李施嬅組成「Crazy Runner」[19]。黃智雯因為拍《降魔的》而同胡鴻鈞同何遠東結緣,組成「降魔的偷跳小隊」;佢更將趙希洛稱為「靈魂姊妹」(soul sisters)[20]

感情生活

黃智雯男朋友係珠寶公司高層詹文天(Anthony),佢哋由2012年開始拍拖。[21]

演出作品

電視劇(無綫電視

首播 劇名 角色
2008年 甜言蜜語 琴 師
同事三分親 女住戶
東山飄雨西關晴 莊婌媛
溏心風暴之家好月圓 陳杜丹(Donna)
畢打自己人 馬慧丹(Mandy)
Click入黃金屋 Bennie
2009年 學警狙擊 張樹珊
桌球天王 Amy
老婆大人II 伍凱彤
蔡鍔與小鳳仙 吳賞梅
巴不得爸爸... 蘇鳳蓮
2010年 搜下留情 鄭笑雯(鵪鶉妹)
飛女正傳 記 者
居家兵團 諸葛蓉(Karen、妹豬)
2011年 怒火街頭 張芷芯(Silvia)
潛行狙擊 蒙心凌(阿檬)
不速之約 邰 欣
2012年 缺宅男女 婁笑蘭(關二嫂)
On Call 36小時 洪美雪
飛虎 蘇文強
巴不得媽媽... 夔懿曦
法網狙擊 黃菲菲
2013年 女警愛作戰 司徒驕(Madam Kiu)
好心作怪 夏思嘉
情逆三世緣 田秋雁
On Call 36小時II 洪美雪
2014年 飛虎II 蘇文強
2015年 師奶MADAM 熊丹丹(Angel)
拆局專家 雷 蕾
張保仔 朱淑君
2016年 超能老豆 諸麗花(Ophelia)
律政強人 方 寧(Martha)
流氓皇帝 吳多茹/水奕璇
2017年 雜警奇兵 龍麗莎(Laser姐)
降魔的 莊芷若(Felicity)/Salvia
2018年 三個女人一個「因」 方以因(Evie)/菠蘿椰奶(Pina Colada)/愁擘擘
2019年 街坊財爺 朱瑪莉(Mary)
2020年 十八年後的終極告白 阮麗瑾(Madam Yuen)
降魔的2.0 莊芷若/Salvia
使徒行者3 章紀孜(Madam G)
未播 刑偵日記 游雁星(Madam Sing)
把關者們 關佩欣(Madam Kwan、Yan)

電視劇(邵氏兄弟

首播 劇名 角色
2018年 飛虎之潛行極戰 張慧珊(Dr. Cheung)

主持節目

播出日期 節目 集數 備註
2007年 事必關己 固定外景主持
2009年 東張西望 固定外景主持
2017年 胡說八道真情假期 第1-6集 (一共10集) 澳大利亞拍攝
2019年 一個因去跳舞 第1-5集 (一共5集) 韓國首爾拍攝

綜藝節目

黃智雯參與綜藝節目一覽中文黃智雯參與綜藝節目列表

電影

首映 片名 角色
2012年 2012我愛HK 喜上加囍 節目編導
天生愛情狂 二妹
2013年 風暴 女酒樓侍應

舞台劇

年份 劇名 角色 合作演員
2020年1月 今晚打老虎 (舞台劇)中文今晚打老虎 (舞台劇) 王秀英 錢嘉樂袁偉豪楊詩敏羅冠蘭李國麟康華魯文傑

獎項

MY AOD我的最愛頒獎典禮

年份 獎項 劇集 角色 結果
2012年 我的最愛最具潛質女藝人 缺宅男女 婁笑蘭(關二嫂) 攞獎

萬千星輝頒獎典禮

年份 獎項 劇集 角色 結果
2012年 飛躍進步女藝員 缺宅男女 婁笑蘭(關二嫂) 攞獎
On Call 36小時 洪美雪 攞獎
飛虎 蘇文強 攞獎
巴不得媽媽... 夔懿曦(泥水妹) 攞獎
2018年 馬來西亞最喜愛TVB女主角 三個女人一個「因」 方以因/菠蘿椰奶/愁擘擘 攞獎
新加坡最喜愛TVB女主角 攞獎

壹電視大獎

年份 獎項 劇集 角色 結果
2013年 最搶鏡女配角 缺宅男女 婁笑蘭(關二嫂) 攞獎

星和無線電視大獎

年份 獎項 劇集 角色 結果
2013年 TVB飛躍進步藝人 缺宅男女 婁笑蘭(關二嫂) 攞獎
On Call 36小時 洪美雪 攞獎
飛虎 蘇文強 攞獎
巴不得媽媽... 夔懿曦(泥水妹) 攞獎
2016年 我最愛TVB電視女角色 律政強人 方 寧 攞獎
2017年 我最愛TVB電視女角色 雜警奇兵 龍麗莎 攞獎

TVB 馬來西亞星光薈萃頒獎典禮

年份 獎項 劇集 角色 結果
2013年 最喜愛TVB電視角色 On Call 36小時II 洪美雪 攞獎
2015年 最喜愛TVB電視角色 拆局專家 雷蕾 攞獎
2016年 最喜愛TVB電視角色 律政強人 方寧 攞獎
2017年 最喜愛TVB綜藝節目 胡說八道真情假期 胡杏兒胡蓓蔚胡定欣李施嬅姚子羚一同獲獎) 攞獎

觀眾在民間電視大奬

年份 獎項 劇集 角色 結果
2018年 「民選最佳女主角」 三個女人一個「因」 方以因 攞獎

香港電視大獎

年份 獎項 劇集 角色 結果
2018年 「女主角獎(劇集)」 三個女人一個「因」 方以因 攞獎

明報周刊演藝動力大獎

年份 獎項 劇集 角色 結果
2018年 「最突出女角色」 三個女人一個「因」 方以因 攞獎
「我最支持的演藝動力大獎」 三個女人一個「因」 方以因 攞獎

其他獎項

年份 頒獎/機構 獎項 结果
2017年 無綫電視 「無線電視台十年長期服務員工獎」 攞獎
2017年 新浪微博之星大奬2017 微博給力綜藝節目- 胡說八道真情假期 攞獎

  1. 【星馬視帝視后】黃智雯袁偉豪成雙料視帝視后
  2. "畢業生 - 舞蹈 - 香港演藝學院". www.hkapa.edu (英文). 喺2019-01-28搵到.
  3. "歷屆畢業生名單 - 校友 - 人物 - 香港演藝學院". www.hkapa.edu (英文). 喺2019-01-28搵到.
  4. "補習天后家姐帶挈關二嫂唐樓搬豪宅脫貧". FACE第246期. 2012-02-08.
  5. "網友熱搜鵪鶉妹 黃智雯倒模曼玉捱出頭". 蘋果日報. 2010-04-30.
  6. Bobby穿越千年苦戀關詠荷
  7. 黃智雯第一次演反派
  8. 【獨家專訪】黃智雯需要被人控制性格飄忽追求實在愛情
  9. "黃智雯不介意被封「星期日女王」:美劇都係一個禮拜一集啦". 香港01. 2018-03-01.
  10. ""星期日女王"黄智雯杀出重围". 羊城晚报 (中文). 2018-03-15.
  11. "袁偉豪黃智雯得獎打孖上 膺星馬雙料視帝視后". 明報OL網. 2018-11-20.
  12. "選韓團扮後生!36歲黃智雯同鮮肉堆冇代溝". 東網 娛樂. 2019-01-16.
  13. "《一個因去跳舞》黃智雯挑戰K-Pop舞蹈訓練 Mandy跳到體力不支入院". HKET. 2019-01-23.
  14. "愛情長跑8年有結婚計劃 黃智雯自信勝任做賢妻". 明報. 2020-05-06.
  15. "【降魔的2.0】黃智雯被上身戲獲激讚 慘被封「戲份最少女主角」". 香港01. 2020-05-29.
  16. "兩劇疊住上!黃智雯為着背心狂操上半身". 東網 娛樂. 2020-05-01.
  17. "01娛樂民選港劇大獎結果". 01 娛樂. 2021-01-10. 喺2021-01-10搵到. Unknown parameter |dead-url= ignored (help)
  18. 「胡說八道會」澳洲Trip正式出發
  19. https://orientaldaily.on.cc/cnt/entertainment/20180224/mobile/odn-20180224-0224_00282_027.html
  20. "黃智雯趙希洛法國閨密遊 互拍最「Dus」時刻". 明周娛樂 (英文). 2019-12-05. 喺2019-12-31搵到.
  21. "視-{后}-黃智雯隨時閃婚:胡說八道已揀好姊妹裙". 東網 娛樂. 2018-11-24.

出面網頁