陳侯午
齊桓公田午（前400年—前357年），戰國人，喺齊康公五年出世，田和代齊之後嘅第三位齊國國君，嗰陣叫「陳侯午」（上陳下土），《竹書紀年》叫田侯午，《史記》等後世史料叫田齊桓公，完整諡號係「孝武桓公」、「田齊桓公」[1][2]，單字謚號係「桓公」，因為同「春秋五霸」之一嘅姜齊桓公小白相同，所以叫「田齊桓公」或者「齊桓公午」。
| 陳侯午 | |
|---|---|
| 出生日 | 400年 BC  |
| 死亡日 | 357年 BC （0歲） |
| 仔女 | 田因齊 |
| 阿爸 | Duke Tai of Tian Qi |
| 兄弟姊妹 | Yan, Marquis of Tian |
[改維基數據] | |
田齊桓公叫做「田午」，齊太公田和同埋孝大（太）妃個仔，史書話佢「弒其君及孺子喜而為公」，意思就係話佢殺咗大佬田剡而自立。在位嗰陣曾經開過稷下學宮，招攬天下賢士，聚徒講學，喺齊國度教書。曾經試過人才薈萃，彬彬大盛，齊宣王嗰陣規模達到鼎盛。
相傳名醫扁鵲曾經為佢睇症，響起病由輕到重嗰陣，扁鵲連勸咗佢三次，而田午因為諱疾忌醫而唔聽，後來扁鵲再嚟嗰陣，田午已經病入膏肓，無法醫療；扁鵲即刻走路，去到秦國，冇幾耐田午就病發而過身。《韓非子·喻老》有「扁鵲見蔡桓公」嘅故事，因齊桓公午曾遷都上蔡（家下河南上蔡），所以按當時嘅習慣齊國又叫做蔡國（蔡國原本係一個姬氏封國，當時已經滅亡），所以齊桓公又叫蔡桓公。魏惠王遷都大梁（家下河南開封）而又叫梁惠王，韓哀侯滅鄭國後遷都去鄭（家下河南新鄭）而韓國又叫鄭國，呢啲都係同樣嘅例子。
參考
編輯攷
編輯書
編輯- 《韓非子》