陳俊良(Jin Chen,綽號良哥)係臺灣電視綜藝節目製作人,製作過好多膾炙人口嘅節目,代表作有《少年特攻隊》、《超級偶像》、《歡樂幸運星》、《歡樂智多星》、《鑽石夜總會》、《我要當歌手》、《超級巨星紅白藝能大賞》等等…涵括各類型嘅綜藝節目。

2002年嘅《少年特攻隊》創過連續三年黃金檔收視冠軍紀錄,《鑽石夜總會》創過連續兩年臺灣週日重點時段收視率冠軍,喺臺灣電視公司(臺視)同三立電視連播嘅《超級偶像》係佢大型選秀騷代表作,創咗臺灣選秀騷嘅收視高峯。2014年,陳俊良同文化部合作製播《女王的密室》,係臺灣甚至全世界首個用App軟體同觀眾多屏互動嘅節目。2015年,陳俊良親身去到中國大陸,製播中國大陸四大選秀之一嘅第三季《最美和聲》,喺北京衞視播出,創咗三屆以嚟收視最高潮

陳俊良亦係每年除夕臺灣春晚超級巨星-紅白藝能大賞》嘅總導演春節期間帶領幾百位電視工作人員喺小巨蛋錄製大型晚會,參與嘅藝人遍及、臺、亞洲國當紅藝人。

陳俊良製作節目嘅座右銘秉持住傳媒要畀到觀眾最好嘅正面傳播,堅持節目要寓教於樂,畀到觀眾最好嘅影像同埋聲音享受之餘,同時要具備公益性。

2014年同鄰村姑娘林貞均結婚,有1仔1女。

綜藝節目作品

播完嘅節目

開播日期 播出頻道 節目名 主持人 備註
2000年5月29號 臺視 超級大富翁 謝震武 薛聖棻擔任製作人
2002年12月29號 臺視 少年特攻隊 5566 創咗三年無線臺冠軍紀錄
2005年6月13號 衞視中文台 歡樂幸運星 胡瓜 陳財裕共同擔任製作人
2006年4月17號 臺視 哈林國民學校 庾澄慶 入圍2008年金鐘獎娛樂綜藝節目獎
2007年11月4號 臺視 鑽石夜總會 利菁 後期主持人有黃國倫
代理主持人有小鐘佩甄小禎
入圍2010年金鐘獎
2007年10月27號 臺視 超級偶像 Super Idol 利菁 同薛聖棻共同擔任製作人

榮獲第43屆金鐘獎「歌唱綜藝節目主持人獎」
入圍第45屆金鐘獎「綜藝節目獎」

2010年8月26號 臺視 超級設計師 利菁 同薛聖棻、陳財裕共同擔任製作人
2011年9月17號 臺視 App Star高手爭霸戰 Ivy榮忠豪 同薛聖棻、陳財裕共同擔任製作人
2012年5月27號 臺視 紅白紅白我勝利 張小燕黃子佼段旭明 改名為《綜藝十八班》
2012年8月5號 臺視 綜藝十八班 張小燕、黃子佼、段旭明 改名為《百萬大明星》

播緊嘅節目

開播日期 播出頻道 節目名 主持人 備註
2011年3月7號 衞視中文台 歡樂智多星 胡瓜 薛聖棻、陳俊良擔任製作人
最長壽嘅綜藝節目
2013年5月26號 臺視 我要當歌手 黃子佼、張小燕

紀錄

  • 最短時間升任製作人(2002年12月29號,《少年特攻隊》)
  • 同時製作四個節目有三個居同時段冠軍