陳狄克
(由陳均榕跳轉過嚟)
陳狄克（英文：Forest Chan Dick Hark，1947年10月4號—2024年3月15號[2]），原名陳均榕，係前香港電視藝員，1973年加入麗的電視，主要做武術指導，1979年起，從麗的電視過檔無綫電視，慢慢轉做幕前演出，前無綫電視部頭合約男藝員。因為最常演繹嘅角色係江湖中人，而且演技出色，所以佢喺綜藝節目《Sunday好戲王》中獲頒「黑幫王」嘅「另類好戲王」獎項。
| 陳狄克 | |
|---|---|
| 男演員 | |
| 原名 | 陳軍戎 |
| 羅馬拼音 | Chan Dick Hark |
| 英文名 | Forest Chan Dick Chan（以前） |
| 花名 | 中國殺人王 |
| 別名 | 陳均榕（原名)、陳成國、陳承國 |
| 國籍 |  中國（香港） |
| 籍貫 | 廣東雲浮新興 |
| 出世 | 1947年10月4號.svg){kind=small} 英屬香港 |
| 死 | 2024年3月15號（76歲） 香港沙田 |
| 死因 | 肺炎 |
| 屋企 | 香港新界沙田區 大圍富嘉花園第3座[1] |
| 職業 | 演員 武術指導（以前） |
| 語言 | 粵語、英文、普通話 |
| 母校 | 排頭公立小學 慈航義學（現為慈航學校） |
| 宗教信仰 | 道教 |
| 配偶 | 老婆：姚碧如 |
| 仔女 | 女兒：陳靜琳 |
| 屋企人 | 外甥女：佘詩曼 |
| 出道地 | 1969年 |
| 活躍年代 | 1969年至2024年 |
| 經紀公司 | 麗的電視（1973年至1979年） 無綫電視（1979年至1985年、1987年至2024年） |
| 網路電影資料庫（IMDb）資訊 | |
姓名與別名之來源
編輯陳狄克嘅本名為陳均榕[註 1]，後改名陳軍戎。佢曾用別名陳成國、陳承國。而其英文名稱亦有依據：
- 「狄克」：喺拍攝《中國殺人王》時，陳有后及鍾景輝覺得「狄克」一詞不夠響亮，於是建議陳狄克喺「狄克」前面加番姓氏，取名「陳狄克」。[註 1]
- 「承/成國」：呢係父親喺陳狄克上小學時替他改嘅。按照其陳家族譜，到陳狄克嘅嗰一世代會用「承」字輩嘅排字。加上其父為愛國之人，因此得名「承/成國」。[註 1]
- 「軍戎」：因陳狄克自小愛刀槍弄武得來，並且諧音與“陳均榕”（陳狄克本名）相同。[註 1]
- 「Forest」：佢喺1985年到澳門拍攝劇集《大香港》期間，到一位名叫「盲公陳」嘅命理師看命相。盲公陳跟佢提到佢命格欠木，自此之後，陳狄克把洋名改作「Forest」，連帶其身份證都有用呢個名字。而「Dick」一洋名實為暫名，並非其真正嘅英文名稱。[註 1]
生平
編輯
早年生活
編輯陳狄克生於1940年代嘅基層家庭，祖籍廣東雲浮市新興縣天堂墟（即天堂鎮）[註 1]。佢家中有一姊一妹二弟[註 1]，父親為一名花王兼司機[註 1]。陳狄克自小喺新界沙田居住同成長[註 1]，到8歲先開始入學[註 1]。當時佢家住沙田排頭村[註 1]，就讀寶福山附近的排頭學校[註 2][註 1]。但讀咗一個月之後，陳狄克舉家移居沙田車公廟旁邊的李屋村[註 1]。而佢則入讀位於該處嘅慈航義學（現為慈航學校）一年級[註 1]。直至小學畢業後，佢原意希望當警察[註 1]。不過因為父親唔想他做警察[註 1]，佢就放棄這個念頭。喺加入電視台工作之前，陳狄克嘅父親想他做園丁[註 1]，然而佢無意向呢方面發展[註 1]。時正1960年代，佢曾到深水埗一家叫「協昌隆」的小舖做搬運工人[註 1]，負責搬運火水鐵罐[註 1]。工作十天後，佢見管工對工人嘅態度差劣[註 3]，遂辭職離開[註 3]。
家庭生活
編輯陳狄克已婚，並育有一女陳静琳。
其外甥女為藝人佘詩曼[3]。
注釋
編輯- ↑ 1.00 1.01 1.02 1.03 1.04 1.05 1.06 1.07 1.08 1.09 1.10 1.11 1.12 1.13 1.14 1.15 1.16 1.17 1.18 1.19 關於陳狄克原名、別名來源、籍貫、家庭背景、成長地、就學以及小學畢業後去向嘅資料出自香港電台第二台廣播節目《守下留情》於2015年10月12日播出的訪問「近代豪俠系列二十九 : 嘉賓 陳狄克 - 睇相佬話唔夠木 改名forest最舒服」。
- ↑ 1945年第二次世界大戰結束後啟文學校（於1930年代建立嘅私塾）變成排頭公立小學。但該校現已停辦：[1]、[2]
- ↑ 3.0 3.1 關於陳狄克加入演藝界經過和亞洲電視總部發生大火關連事件的資料出自香港電台第二台廣播節目《守下留情》於2015年10月13日播出的訪問「近代豪俠系列二十九 : 嘉賓 陳狄克 - 師傅掟小李飛刀 徒弟快閃Go Go Go」。
攷
編輯- ↑ 〈富嘉花園現登革熱 住戶擔心冀維修加快竣工 - 東網即時〉 (中文)。東網。
- ↑ 〈76歲資深反派演員陳狄克逝世 曾於《上海灘》指導發哥演被亂槍射場口〉。東張+。2024-03-18。
- ↑ 〈陳狄克設靈 外甥女佘詩曼送花牌致哀〉。《明報》。2024-04-20。原著喺2024-04-20歸檔。喺2024-04-20搵到。
出面網頁
編輯- 陳狄克喺香港影庫嘅資料（香港繁體）
- 陳狄克喺互聯網電影資料庫嘅資料（英文）
- 陳狄克喺豆瓣電影嘅資料 （簡體中文）
