鍾景輝博士,SBS粵拼zung1 ging2 fai1英文Chung King Fai1937年3月28號—)係香港資深舞台劇演員同埋導演戲劇教育家、電視製作人、電視劇演員及電視節目主持。而家佢係做香港戲劇協會會長,康文署演藝小組成員,赫墾坊劇團董事長,香港藝術發展局戲劇藝術顧問。

鍾景輝喺泰國曼谷出世,鄉下喺中國廣東台山,佢喺香港培正中學畢業同埋喺香港中文大學崇基學院英文系就讀。並為美國奧克拉荷瑪浸會大學演講及戲劇系學士,及美國耶魯大學戲劇學院藝術碩士。美國畢業返香港之後,喺香港浸會大學任教,又先後於香港電視廣播有限公司亞洲電視參與電視製作、演出以至行政等工作。做過香港話劇團藝術總顧問,1983年受聘為香港演藝學院戲劇學院嘅創院院長,1994年香港戲劇協會頒發十年傑出成就獎,1999年獲頒發香港藝術家年獎舞台導演獎,2000年榮獲香港藝術發展局頒發戲劇成就獎,2001年獲頒發香港演藝學院榮譽院士。2002年7月獲香港特區政府頒發銅紫荊星章2005年明報週刊頒發最突出電視男藝員獎、2006年獲香港電視廣播有限公司頒發萬千光輝演藝大獎2007年2月獲頒發世界傑出華人同埋美國哈姆斯頓大學(Armstrong University of California)榮譽哲學博士學位。

響舞台劇方面,演出無數,並為香港戲劇協會嘅創辦人及擔任會長至今。佢首倡以廣東話演出荒誕劇百老匯音樂劇。曾七度獲得香港舞台劇獎嘅最佳男主角獎及四度獲得最佳導演獎。著名嘅導演作品包括《夢斷城西》、《蝦碌戲班》、《劍雪浮生》、《天之驕子》等。近年主演作品包括《瘋癲皇帝》、《推銷員之死》、《莫扎特之死》、《金池塘》、《風雨守衣箱》、《瘋狂夜宴搞偷情》、《承受清風》、《謀殺遊戲》等。2006年參與香港藝術節之演出,同埋鄧萃雯合演《不期而遇的男人》、《相約星期二》、《小城風光》等。

喺電視製作方面,由佢擔任旁白嘅無綫電視紀錄片節目《再說長江》及亞洲電視紀錄片節目《尋找他鄉的故事》系列廣為世界各地華人所知。2001年教學退休後加入無綫電視做演員,參與多套電視劇演出:《Loving You 我愛你 2》、《甜孫爺爺》、《高朋滿座》、《火舞黃沙》、《匯通天下》、《樓住有情人》、《建築有情天》等,並擔任節目主持。亦不時喺電影中演出,作品包括《最愛》、《虎度門》、《源來是愛》等。

鍾景輝嘅履歷已列入《中國大百科全書》、《中外名人辭典》、《中國專家名人辭典》、《世界名人錄》(新世紀卷)、《香港名人錄》、《香港特區名人錄》、《中國人才世紀獻辭》Dictionary of International BiographyMen of AchievementReference AsiaWho's Who in Contemporary World Theatre

演出作品

舞台劇

電視劇(無綫電視

2003

2004

2005

2006

2007

2009

2010

2011

2012

2013

電視劇(麗的電視

節目主持

電影

旁白

導演作品

註釋

出面網頁