陳廷驊家族
家族史
編輯陳廷驊父輩係劏牛嘅，到佢廿零歲嗰陣，佢去咗上海同當時嘅「染料大王」周宗良學師。1949年，周宗良帶埋兩個助手落嚟香港搞生意，陳廷驊係其中一個。1954年，陳廷驊創立南豐紡織廠。到1970年，南豐紡織上市，之後南豐唔單只經營紡織業務，重開始涉足地產業務，最出名就係起咗南豐新邨，南豐紡織到1989年就畀陳廷驊私有化咗。
到1990年代，陳廷驊因為有腦退化症，南豐嘅話事權慢慢交咗畀細女陳慧慧，到2009年陳慧慧先正式成為南豐嘅董事長。大女陳慧芳因為去咗美國生活，所以佢負責打理老豆喺美國嘅業務。
2009年，陳廷驊老婆楊福娥以陳做出「不合理行為」為由同佢離婚。到2010年，舊老婆楊福娥同細女陳慧慧出現爭產風波，搞到上法庭，官司一路打到陳廷驊死之後嘅2016年至判楊福娥勝訴，陳廷驊嘅身家要由楊福娥同兩個女三人均分。[1]之後，圍繞南豐家族嘅官司一直冇停過。
而陳廷驊最終喺2012年過身，佢過身嘅消息出嚟之後，南豐同陳廷驊家族一直都冇證實，一路到兩日後，南豐集團先至正式公佈。
到2020年，楊福娥過身[2]，根據佢喺2008年嘅遺囑，楊氏將所有身家都畀晒大女陳慧芳，陳慧慧思疑遺囑效力，又再同家姐對簿公堂，呢單官司排期去到2025年先開始審。[3]
家族樹
編輯參考
編輯- ↑ 〈【南豐姊妹對奕】向家族公司借款購牧場 陳廷驊長女暫勝一仗 幼女賠訟費〉。原著喺2020年3月28號歸檔。喺2019年3月2號搵到。
- ↑ 陳淑霞 (2020-02-25)。〈南豐集團已故創辦人前妻楊福娥辭世 家人刊訃聞後日舉殯〉。《香港01》 (香港中文)。喺2023-07-17搵到。
- ↑ am730 (2023-04-20)。〈南豐集團爭產案｜排期2025年9月開審 預計需時30天〉。am730 (中文)。喺2023-07-17搵到。