陳志新

陳志新（1949年－），香港親中派民建聯政治人物，祖籍廣東番禺，曾經做過香港中文大學校友評議會主席同埋新亞書院校董。

生平

佢1949年喺廣州出世，1958年隨屋企人移民香港，之後入讀青年會中學，1968年考入香港中文大學新亞書院，主修經濟。1972年畢業，之後創立富邦航運。

部分榮譽

• 香港中文大學榮譽院士

政治立場

佢係香港親中派民建聯嘅成員，曾經喺2011年參選中大評議會主席嘅時候話中大校內唔應該討論港獨。

爭議

參選中大校友評議會爭議

2011年，陳志新參選中大校友評議會主席，被視為建制派嘅代表，主要競爭對手係改革派的嘅周澄，但陳志新之後被揭發隱瞞民建聯黨籍，亦有傳聞有資深中大校友以僱主身份向有中大背景嘅僱員施壓要求支持陳志新，投票當日亦出現兩邊陣營互相指罵。佢之後就話自己唔係刻意隱瞞，本身亦無參與黨務。但陳志新最終當選。中大校友兼時事評論員黃世澤就批評，事件係新亞書院院長黃乃正扶佢上位，幫助中聯辦統戰，新亞畀佢做校董係影衰中大。

獲野雞大學頒發榮譽博士資格

佢報稱攞到亞洲知識管理學院嘅院士資格同埋林肯大學嘅榮譽博士學位，但呢兩間院校嘅資格都備受質疑。2011年佢當選咗中大中大評議會主席嘅時候已經被揭發係「野雞博士」，有線新聞亦喺2019年報道，亞洲知識管理學院同埋林肯大學其實係野雞大學，未獲註冊認可，比錢就有得攞佢哋唔同嘅頭銜。