陳章明
爭議事件
編輯涉嫌未有申報「秘撈」及事件被揭露期間恐嚇何式凝
編輯喺2016年4月，陳章明被揭發喺擔任嶺南大學教授期間，無向大學申報下為國力書院代理嘅大學做「秘撈」，指導民建聯區議員鄭琴淵嘅論文，涉嫌違反大學守則。嶺大當時回應傳媒嘅時候亦都話，過去未有接獲陳章明從有關校外工作嘅申請。事件引起外間批評，民主黨立法會議員黃碧雲話，如果指控係真，陳章明係違規及有誠信問題，又指作為學者對學術品質持兩套標準，十分罕見，要求嶺大展開調查同向公眾交代[1]。
嶺南大學之後回應，話陳收取8000元酬金，並未達到守則規定要同校方分帳嘅水平，所以校方喺事件中未有損失應有收入，決定唔追究[2]。
另外，喺事件被關注期間，香港大學社會工作及社會行政學系副教授何式凝曾經公開炮轟陳章明有欠誠信，質疑佢未能帶領平機會保障性小眾。之後陳章明向何式凝發電郵，話自己曾經同何式凝嘅同事上司緊密合作，之後何式凝形容陳章明咁做係恐嚇自己，但陳章明就話只是希望向何表達佢嘅一啲想法，絕無恐嚇嘅意思[3]。
身兼平機會主席被批評發表歧視性言論
編輯陳章明喺2017年3月以平等機會委員會主席身份出席國際婦女節活動，致辭內容被指含歧視成份，結果引來近40個團體聯署抗議，認為陳章明無法帶領平機會，要求佢道歉並立即辭去主席一職[4][5]。
參考
編輯- ↑ 陳嘉敏 (2016-04-11)。〈平機會新主席陳章明 任職嶺大期間涉「秘撈」做論文導師〉。《香港01》 (香港中文)。喺2024-03-05搵到。
- ↑ 劉淩鋒 (2016-04-12)。〈陳章明收8000元任論文導師 嶺大指金額未達需分帳水平不追究〉。《香港01》 (香港中文)。喺2024-03-05搵到。
- ↑ 蔡靜心 (2016-04-27)。〈何式凝公開批評陳章明後收電郵：我曾與你同事上司緊密合作〉。《香港01》 (香港中文)。喺2024-03-05搵到。
- ↑ 〈陳章明言論涉性別歧視 婦女團體：無能力做平機會主席 | 獨媒報導〉。《獨立媒體》。2017-03-16。喺2024-03-05搵到。
- ↑ 〈聯署：抗議陳章明發表性別歧視及性別定型言論 要求立即道歉及辭任平機會主席 | 天水圍社區發展網絡〉 (美國英文)。喺2024-03-05搵到。