陳蔚嘉

陳蔚嘉（英文：Chan Wai Ka，1978年—），人稱「嘉嘉」，係香港泛民主派人士，地區組織「埔向晴天」成員，大埔區議會太和選區議員。

老公係同區嘅太湖區議員劉勇威。陳蔚嘉喺2019年第6屆區議會選舉參選大埔太和選區，最後以五成八得票率打低鄭俊和（鄭俊平細佬），成功當選。

2021年10月4號，陳蔚嘉參加區議員宣誓儀式，之後被監誓人質疑佢嘅宣誓有效性，最終決定佢宣誓無效，反而老公劉勇威就宣誓有效。