陳鐵彪
爭議
編輯陳鐵彪不時被指同中方關係密切[1]，而環繞陳鐵彪嘅爭議，主要係同佢親中嘅編採方針，同埋干預前線人員嘅新聞自主有關。
搵親中派李慧琼擔任政論節目主持被批評
編輯陳鐵彪喺Now新聞台上任後無耐，就計劃搵民建聯主席李慧琼擔任政論清談節目《大鳴大放》嘅主持[2]，結果引起一啲傳媒人，甚至係親中派嘅批評，話陳鐵彪咁做擺明為民建聯鳴鼓開路搭台宣傳，當時距離原定2020年香港立法會選舉時間好短，厚此薄彼唔公平[3]。資深傳媒人區家麟亦指，李慧琼嘅政黨主席身分有嚴重嘅利益衝突，討論難以做到公平公正，而傳媒慣例最多都只係搵退任嘅「元老級」人物，而且唔涉及日常政黨運作同表態，而陳鐵彪講明「唔可以搵啲我控制唔到嘅人」，更加係印證咗中聯辦安插全港傳媒頭目嘅方針[4]。
抽起葉建源對港大疑似中共黨員副校長人選評論
編輯喺2020年10月，坊間傳出兩名清華大學學者獲推薦出任香港大學兩個副校長職位，其中申作軍係清華系黨委委員，時任教育界立法會議員葉建源就接受咗Now 新聞嘅訪問評論事件，表示希望港大釐清，擔心黨員身分聽黨指揮影響學術自由。不過，新聞出街之後，陳鐵彪就喺深宵時分打電話返公司，下令刪除內容。事件引起關注，陳鐵彪接受眾新聞記者訪問嘅時候亦只係講「我認為唔適合咪落架囉」[5][6]。
之後Now 新聞台發出聲明話係基於「審慎原則、作出若干編輯改動」，但有Now 新聞台員工私下向其他傳媒指，聲明仍然無法解釋下架嘅準則，反而質疑係陳鐵彪自我審查，甚至係觸及中聯辦嘅底線而要抽起[7]。多個部門主管亦質疑將報道下架嘅需要，強調唔希望破壞新聞台公信力，唔想成為另一個TVB[8]。
資深傳媒人區家麟質疑，Now 新聞台嘅聲明，如果「未確定」就唔評論，咁之前林鄭宣布推遲宣讀施政報告，背後嘅原因未能被證實，咁點解Now又搵人評論[9]。
涉抽起警務處助理處長蔡展鵬幫襯無牌骨場新聞
編輯2021年5月12號凌晨，多間傳媒包括Now新聞台凌晨都有報道警務處助理處長蔡展鵬因為涉嫌光顧無牌按摩店而被停職調查嘅消息[10]。雖然好多媒體都有跟進，但去到朝頭早，佢指示新任編輯組主管葉惠民抽起新聞，就連新民黨葉劉淑儀就事件回應記者嘅報道都抽起埋。佢聲稱嘅理由係要有埋官方回應先[11][1]。之後《立場新聞》跟進審查事件，陳鐵彪聽到立場新聞記者啲電話亦只係話「我唔接受立場新聞訪問，拜拜」，隨後收線[1]。
涉嫌抽起讚揚英女王言論報導
編輯2022年9月8號，英女王伊利沙伯二世過身；4日之後，喺英國駐香港總領事館門口，好多人排隊悼念，其中喺同月12號，本身Now新聞嘅Facebook專頁裡面，出左個帖，帖裡面有個市民讚英女皇「係偉大嘅領袖，咁多人悼念係民心所向」，好多人都讚好。不過個帖喺半粒鐘後被剷走咗，而據悉[邊個？ ]要求剷帖嘅正正係果日放緊假嘅陳鐵彪[12]。
參考
編輯- ↑ 1.0 1.1 1.2 〈【國安處長受查】Now 相關報道一度消失 消息指主管陳鐵彪要求下架 | 立場報道 | 立場新聞〉。《立場新聞 Stand News》 (英文)。原著喺2021-05-12歸檔。喺2021-05-12搵到。
- ↑ 〈李慧琼做now主持胎死腹中 ｜ 蘋果日報〉。《Apple Daily 蘋果日報》 (香港中文)。原著喺2021-05-12歸檔。喺2021-05-12搵到。
- ↑ 〈聞風筆動：李慧琼任節目主持 建制派投訴不公平 ／文：李先知 - 20200929 - 觀點〉。《明報新聞網 - 每日明報 daily news》 (繁體中文)。喺2021-05-12搵到。
- ↑ 〈來自TVB的傳媒勝利組 | 區家麟〉。《獨立媒體》。喺2021-05-12搵到。
- ↑ 〈Now 新聞漏夜刪葉建源評港大副校人選報道 陳鐵彪：正常編輯改動 | 立場報道 | 立場新聞〉。《立場新聞 Stand News》 (英文)。原著喺2020-11-30歸檔。喺2021-05-12搵到。
- ↑ 〈眾新聞 | 關注港大副校人選是否黨員 Now下架葉建源言論後今午再訪問他 陳鐵彪：不合適在未確定消息上加揣測評論〉。《眾新聞》 (中文)。原著喺2021-05-12歸檔。喺2021-05-12搵到。
- ↑ 〈刪葉建源評港大副校人選疑為中共黨員片段 Now：基於審慎原則改動 員工：無法解釋準則 | 立場報道 | 立場新聞〉。《立場新聞 Stand News》 (英文)。原著喺2021-05-12歸檔。喺2021-05-12搵到。
- ↑ 〈Now新聞陳鐵彪不滿河蟹事件廣傳 部門主管質疑決定憂損公信力：唔想成為另一個TVB ｜ 蘋果日報〉。《Apple Daily 蘋果日報》 (香港中文)。原著喺2021-05-12歸檔。喺2021-05-12搵到。
- ↑ 〈傳媒現形記：Now 新聞主管自打嘴巴實錄 | 區家麟〉。《眾新聞》 (中文)。原著喺2021-05-12歸檔。喺2021-05-12搵到。
- ↑ 〈國安處處長蔡展鵬涉幫襯「骨場」受查 鄧炳強稍後見傳媒解畫 ｜ 蘋果日報〉。《Apple Daily 蘋果日報》 (香港中文)。原著喺2021-05-11歸檔。喺2021-05-12搵到。
- ↑ 〈Now抽起蔡展鵬涉幫襯無牌骨場新聞 消息：陳鐵彪指示有官方回應前要下架 ｜ 蘋果日報〉。《Apple Daily 蘋果日報》 (香港中文)。原著喺2021-05-12歸檔。喺2021-05-12搵到。
- ↑ 〈英領長龍悼英女王 市民受訪稱「民心所向」FB删帖 片段停播〉 (香港中文)。喺2022-09-12搵到。