陳鑫 (香港)

陳鑫（Kim Chan），香港政治人物，曾經做過輔警同民建聯嘅議員助理。

佢曾經參加戴耀廷喺2019年希望爭取民主派喺同年區議會選舉攞到過半議席嘅風雲計劃，但喺9月突然退出，改由李梓成以「素人」身分出選。而陳之後亦消失政壇。

但之後，佢又突然現身2020年香港立法會選舉泛民主派初選嘅「新界西選區協調內部會議」。去到2021年，香港警察引用未經諮詢或香港人同意嘅《港版國安法》，將47名參與初選嘅人拘捕。去到2023年，控方將一段偷拍呢次初選新界西選區協調內部會議嘅片段呈堂，控方雖然未有披露影片來源同拍攝者嘅身分，但有唔同消息來源都指，偷拍者正正係陳鑫。另外，喺英國申請政治庇護嘅屯門前區議員巫堃泰喺社交媒體亦揭露，陳鑫出席新西協調會議後，親中媒體《大公報》同《文匯報》隨即詳細報道會議情況。

人民力量成員梁家聲同埋前觀塘區議會主席蔡澤鴻，分別被指係「引狼入室」嘅人，但佢地都先後否認。之後，陳鑫亦銷聲匿跡，被懷疑成為警方保護證人。