陶君行（Andrew To，1966年2月7號—）係香港社會運動人士，做過黃大仙區議會議員、社會民主連線主席、香港民主同盟（民主黨前身）中央委員、前綫秘書長，香港市民支援愛國民主運動聯合會常委。
佢喺喇沙書院畢業，鍾意運動，學界田徑、越野賽、籃球同游水都識得。讀大專時搞學生運動，做嶺南學院學生會會長，1989年做咗香港專上學生聯會秘書長。1989年支援民運，因為六四事件出名，係香港民主同盟創會會員。
