陽江

陽江喺中國廣東，家下係個地級市，叫陽江市。佢大清時係個縣，叫陽江縣，後尾升做直隸廳，叫陽江直隸廳，之後又升做直隸州，叫陽江直隸州。民國時轉返做縣。

地理

山

陽江北有北甘山。東南有北津山。另有海朗山，又叫鎮海山。

水

陽江南便濱海。海中有海陵山。

西便有漠陽江，由陽春入，左合輪水河，東南到河口市，左合第八河，右邊分出叫西河，又向東南到州治南叫鼉江，亦叫恩江。左納那龍河，就係北津港，西河水自西南來注入，東南過虎頭山入海。

紫蘿水源出紫蘿山，下流為三鴉港，入海。

坡尾河出羅王嶂，同織篢河合。又向東南叫豐頭港，亦入海。

又西南有雙魚港。又有北額港，上源係望夫水。

史

隋朝至大清初時係陽江縣，隸肇慶府。同治五年，升為直隸廳。光緒三十二年，改為直隸州，歸高雷陽道，有兩個縣，陽春同恩平。有太平巡司、那龍巡司，之後廢咗。有太平驛、蓮塘驛，之後都廢。有鹽場叫雙恩。。

名人

• 曾躍麟，有時寫做曾躍鱗，南宋進士
• 關山月：畫家
• 司徒尚紀：廣州中山大學地理系教授