恩平（粵拼：jan1 ping4）喺廣東，家下係江門市下便一個縣級市，叫恩平市。恩平原本係個縣，叫恩平縣。同開平、台山、新會夾埋做四邑。
三國吳置思平縣；南齊改叫齊安縣；隋改叫海安縣；唐至德二載（757年）改齊安縣置恩平縣；先屬恩平郡，其後屬恩州；宋、元屬南恩州，明屬肇慶府；1959年同開平縣合併，改設開恩縣；1961年恢復恩平縣；1994年撤消，改設恩平市。
