肇慶

中國廣東省嘅地級市
(由肇慶府跳轉過嚟)
  呢篇文講嘅唔係紹興

肇慶粵拼siu6 hing3;普通話拼音:Zhàoqìng)係廣東省一座城市,响廣東中西部,西江沿岸。

秦朝嗰陣經已有肇慶呢個地方。嗰時叫肇慶府,轄地比家下大好多,南邊去到海濱陽江縣恩平縣。家下係地級市,治所響端州,管3個市轄區、1個縣級市同4個

肇慶嘅端硯裹蒸糭好出名。

歷史 編輯

 
大清1790年乾隆嗰陣嘅肇慶府,比家下肇慶市大好多,包埋今日江門市,同埋陽江市嘅部份地方。

根據考古發現,肇慶地區嘅封開縣喺十四萬年前左右已經有人住。

古時肇慶一帶係百越聚居之地,公元前214年,秦國南征百越嗰陣,置南海郡同桂林郡。家下肇慶地方,就響南海郡四會縣同郡林郡裏便。公元前111年,大漢元鼎六年,境內開八縣,分屬三郡,全部響交州。南海郡有四會,蒼梧廣信謝沐高要封陽端溪,而合浦郡就有高凉臨允

去到三國時代,226年,黃武五年,拆開廣州出交州,家下懷集一帶,就歸荊州臨賀郡。

隋朝時叫端州。公元1118年重和元年大宋徽宗趙佶,覺得端州靈氣令佢做得成皇帝,就改名做肇慶,即係吉慶之始咁解。

大明大清時,肇慶好多年來都係兩廣總督駐地。大明嗰陣,1583年,天主敎傳教士利瑪竇來到肇慶,肇慶府官留佢響度。1584年,利瑪竇就做咗第一張中文世界地圖。1589年佢俾新官趕走。

大明嗰陣,肇慶府有一州十一縣。一州指德慶州,九縣係高要四會新興高明廣寧封川開建陽江陽春同埋恩平[1]

大清嗰時,隸廣肇羅道順治六年,新興縣開平屯,加埋新會、恩平兩縣分出來嘅地,開咗開平縣。雍正九年,劃廣州府新會縣大官田,再加開平縣分出來嘅地,開咗鶴山縣。同治九年,陽江升做直隸廳,脫離肇慶府。光緒卅二年,陽江又升做直隸州,肇慶府陽春同恩平劃畀陽江[1]

民國嗰陣,廢州府。

地理 編輯

 
牌坊廣場全景
 
新世界花園樓盤
 
七星岩望向市區方向

家下肇慶市政區,東接清遠市,南接佛山市,西南接雲浮市。而西便係廣西壯族自治區,接梧州市同賀州市。

出名嘅人: * 區瑞強: 香港資深歌星

  • 麥基: 過左身嘅香港演員
  • 梁家騮: 香港政治人物
  • 梁美芬: 香港政治人物

政治 編輯

現任肇慶市長范中傑响2017年8月上任。[2]現任中共肇慶市委書記賴澤華响2016年7月上任。[3]

政區 編輯

家下肇慶市中心係端州區,轄下仲有鼎湖區高要區、縣級市四會德慶縣封開縣廣寧縣懷集縣

廣寧縣、封開縣同德慶縣、懷集縣,亦代管高要市同市。

肇慶政區
區劃代碼[4] 區劃名 面積[5]

(平方公里)

政府駐地 郵編 行政區劃[6]
街道 民族鄉 社區 行政村
441200 肇慶市 14891.23 端州區 526000 12 91 1 292 1255
441202 端州區 153.99 城東街道 526000 4 60
441203 鼎湖區 552.39 坑口街道 526000 3 4 28 53
441204 高要區 2185.62 南岸街道 526100 1 16 73 279
441223 廣寧縣 2455.46 南街鎮 526300 15 22 156
441224 懷集縣 3554.07 懷城鎮 526400 18 1 22 301
441225 封開縣 2723.93 江口鎮 526500 16 21 178
441226 德慶縣 2002.80 德城街道 526600 1 12 18 175
441284 四會市 1262.96 東城街道 526200 3 10 48 113

參考 編輯

  1. 1.0 1.1 清史稿﹣志,地理,廣東
  2. 中杰 简历. 人民网地方领导资料库. 原著喺2017年8月15號歸檔. 喺2019年9月23號搵到.
  3. 泽华 简历. 人民网地方领导资料库. 原著喺2019年5月2號歸檔. 喺2019年9月23號搵到.
  4. . 中华人民共和国民政部. 原著喺2015年4月2號歸檔. 喺2019年9月23號搵到.
  5. 广东省统计局、国家统计局广东调查总队 (2014年9月). 广东统计年鉴2014. 中国统计出版社. ISBN 978-7-5037-7174-3.数字为第二次全国土地调查数据
  6. 中华人民共和国民政部 (2014年8月). 国民政统计年鉴2014. 中国统计出版社. ISBN 978-7-5037-7130-9.

出面網頁 編輯

座標: 23°03′N 112°28′E / 23.05°N 112.47°E / 23.05; 112.47