楊堅

隋文帝楊堅（541年 7月21號—604年 8月13號），係隋朝開國皇帝，581年到604年在位，廟號高祖。

生平

楊堅係東漢太尉楊震（關西孔子楊伯起）嘅14世孫，阿爸係西魏隨國公、北周柱國、大司空楊忠（追尊隋武元帝），阿媽係呂氏。楊堅嘅老婆係北周重臣獨孤信嘅女獨孤伽羅。

楊堅嘅長女嫁畀北周宣帝做皇后。580年，周宣帝過身，周靜帝得7歲度，北周嘅軍政大權落咗入楊堅度。擁護北周宇文氏嘅相州總管尉遲迥、益州總管王謙等人起兵反對楊堅，雖然初時聲勢浩大，但係最終都畀楊堅派兵平息曬。

581年，楊堅以禪讓名義篡咗北周，自己做皇帝，改國號「隋」，改元「開皇」。冇耐佢就派人殺咗周靜帝。583年，實行州縣二級制。587年，隋朝吞併西梁。588年派兵攻打南方嘅陳朝，第二年陳朝就滅亡咗。

601年改用年號「仁壽」。

楊堅喺晚年因為聽咗擦鞋仔楊素嘅讒言，廢咗太子楊勇，改立楊廣做太子。楊堅過身之後楊廣繼位，就係隋煬帝。

呢篇同中國人相關係楔位文。歡迎幫維基百科擴寫佢。