積舞曲

積舞曲zik1 mou5 kuk1（英文：Jig）係早喺 16 至 17 世紀經已存在响蘇格蘭同英格蘭北部嘅一種民間舞曲：喺音樂特性上，愛爾蘭嘅積舞曲嘅典型拍號係 6/8 或者 9/8，英格蘭嘅積舞曲就會用到 12/8 ^[1]，會用到複合拍號，即係每吓拍子可以細分做若干個八分音符，例如《The old grey goose》就係一首好典型嘅積舞曲^[2]。

1600 年一幅畫描繪人喺度跟積舞曲跳舞。

《The old grey goose》（粵譯：老灰鵝）

《Fiddles McGinty》

《Roxys Birthday Jigs》其中一段

除咗樂曲之外，積舞曲仲同時係一種獨特嘅舞種：傳統上，啲人跟積舞曲跳舞嗰陣腳板會一路好快噉離地跟住又踏返落地，著住硬啲嘅鞋嚟跳嗰陣就會出現踢踢躂躂噉嘅聲（呢點好似踢躂舞）^[3]^[4]。

到咗 2020 年，積舞曲唔算係最出名嘅曲種舞種，冇好似例如華爾滋噉風靡全世界，但依然有一定嘅影響力：積舞曲盛行於愛爾蘭，喺英格蘭以至美國等地都仲有唔少愛好者；而且積舞曲甚至仲有影響第啲音樂舞蹈傳統，例如家陣全世界都有喺度搞嘅芭蕾舞噉，就有採用積舞曲嘅節奏^[5]。

音樂特性

積舞曲好興一大柞八分音符，每三個八分音符做一組噉嘅樣，即係似下圖噉：

雙重積舞曲（double jig）係拍號 6/8，每段小節兩組音符，每組三個八分音符，啲人打起拍子上嚟好似雙拍子噉（每一組音符起始嗰點打一吓）。

睇埋

攷

↑ Wilson, C. R. & Calore, M. (2005). Music in Shakespeare: a dictionary (Continuum International), p. 233.
↑ Casey, Marion; Lee, J. J. (2007). Making the Irish American: History and Heritage of the Irish in the United States. NYU Press. p. 418.
↑ Baskervill, Charles Read (1929). The Elizabethan jig and related song drama. Chicago: The University of Chicago Press.
↑ "The jig dance tradition: five centuries old and still counting | Music Tales". musictales.club.
↑ Dance Rhythms for Ballet Pianists. RAD.

拎

Irish footwork.

[1] Wilson, C. R. & Calore, M. (2005). Music in Shakespeare: a dictionary (Continuum International), p. 233.

[2] Casey, Marion; Lee, J. J. (2007). Making the Irish American: History and Heritage of the Irish in the United States. NYU Press. p. 418.

[3] Baskervill, Charles Read (1929). The Elizabethan jig and related song drama. Chicago: The University of Chicago Press.

[4] "The jig dance tradition: five centuries old and still counting | Music Tales". musictales.club.

[5] Dance Rhythms for Ballet Pianists. RAD.

[1]

[2]

[3]

[4]

[5]