離子互換聚合物

離子互換聚合物，離子交換樹脂係一種用聚合物或樹脂來進行離子交換嘅嘢。係由唔溶喺水嘅 Matrix 做成。一般都係細細粒、白色或者啡色嘅珠珠（0.25–0.5 mm 半徑）。呢啲珠珠有好多窿窿罅罅，形成好大表面面積，捉咗一啲離子去個 Matrix 度，又放啲出嚟。有好多種唔同款式嘅離子交換樹脂。

離子互換聚合物嘅珠珠

用

水嘅軟化

軟化水離子交換

因為硬水影響機器操作、水輸送系統、清潔劑難起泡呢啲問題。軟化啲水可以用離子交換樹脂，用鈉離子代替硬水裏頭嘅鎂同鈣離子，四粒 Na⁺ 換兩粒 Ca²⁺。呢隻聚合物可以「叉」得翻，冇效嘅樹脂，只要用高濃度嘅鹽水（裏頭有好多鈉離子）嚟沖過之後，可以再用。

水嘅淨化

離子互換聚合物將水裏面嘅銅，一種有毒物，同埋影響健康嘅金屬離子（鎘或鉛）拎走，然後換上鈉同鈣離子。 有部份離子互換聚合物將氯氣同埋有機污染物拎走，一般用有機活性炭撈埋互換聚合物整成，有一隻互換樹脂叫 MIEX，用「磁力」離子互換。屋企用嘅淨水離子互換聚合物一般冇得「叉」，即係用完就要掉。