零碳天地
零碳天地（英文：CIC Zero Carbon Building），係香港頭座零碳建築，位於九龍灣常悅道8號，由建造業議會同發展局合作發展，金門建築承辦興建，造價達到2.4億港元，響2012年6月26號揭幕，展覽區響2013年1月5號正式開放畀公眾預約參觀；室內展覽區就響2012年聖誕節前後先行免費開放畀公眾參觀。零碳天地佔地14,700平方米，包括室內同戶外既展覽場地、會堂、綠色辦公室、綠色家居、公眾休憩綠化區同香港首個都市原生林，以及透過光伏板同生物柴油產生可再生能源，達致零碳排放。
