雷動計劃

雷動計劃（英文：ThunderGo），係由時任香港大學法律學院副教授戴耀廷喺2016年2月第一次提出，目標係爭取非建制派喺第6屆香港立法會選舉攞到過半議席嘅建議，最終非建制派喺地區直選成功攞到比最後一次港大民調預期更加好嘅結果^[1]，但係對於候選人棄保操作嘅問題就引起爭議，大約有4萬名選民依照計劃民調投票，最終搞到部分泛民主派、香港本土派嘅候選人落選^[2]。

目的

戴耀廷首先喺蘋果日報發表文章，話經過分析2012年香港立法會選舉嘅結果，泛民主派攞到三十五席唔係無可能^[3]。戴接受網台訪問嘅時候表示，泛民要喺2016年香港立法會選舉攞到過半數議席，繼而逼使梁振英放棄連任，煞住步步進迫嘅制度暴力。佢話「逐漸畀中共邊緣化」嘅自由黨同香港本土派都係可以爭取合作嘅對象。佢又話，單靠立法會保住三份一議席加拉布抗爭，勉強頂住都贏唔到，如果立法會贏到過半議席就唔使死守^[4]。

一個以雷動計劃做對象嘅學術研究提到，唔少人支持，係因為擔心非建制派嚴重分裂、親北京派攞到超過2/3議席，北京干預香港選舉（包括周永勤退選風波），同埋對太多非建制派名單嘅情況覺得混淆，決定唔到支持邊張名單^[1]。

選舉結果出爐後

戴耀廷9月7號出席港台節目《千禧年代》嘅時候承認，當初估計人數錯誤，諗住有20萬非建制派選民支持，但係結果得4萬人加入行動，但係就打亂唔少泛民主派政黨嘅部署。佢都認為雷動計劃要檢討。雖然雷動飽受批評，但係客觀結果就令到非建制派成功得到史無前例嘅最多30個立法會議席^[5]。
親北京派方面，例如梁美芬、李慧琼等，都鬧呢個計劃係操控選民意願，扭曲民主機制^[1]。

參考

↑ ^1.0 ^1.1 ^1.2 "Deliberation in Mobile Messaging Application: A Case in Hong Kong".
↑ 〈與戴耀廷涉操控選舉力谷民主黨玩殘泛民各界炮轟黑手黎智英〉。原先內容歸檔喺2016-10-10。喺2016-09-26搵到。
↑ 〈直選23席、全體達半「雷動」立會〉。原先內容歸檔喺2016-02-04。喺2016-02-04搵到。
↑ 〈專訪戴耀廷：「雷動計劃」議會過半，告別消極抗爭！〉。原著喺2016-02-04歸檔。喺2016-02-04搵到。
↑ 〈雷動計劃被指打亂政黨部署　戴耀廷：無話叫你跟我投票〉。原先內容歸檔喺2016-09-08。喺2016-09-08搵到。

出面網頁

[Au_And_Ho_2019-1] 1.0 ^1.1 ^1.2 "Deliberation in Mobile Messaging Application: A Case in Hong Kong".

[2] 〈與戴耀廷涉操控選舉力谷民主黨玩殘泛民各界炮轟黑手黎智英〉。原先內容歸檔喺2016-10-10。喺2016-09-26搵到。

[3] 〈直選23席、全體達半「雷動」立會〉。原先內容歸檔喺2016-02-04。喺2016-02-04搵到。

[4] 〈專訪戴耀廷：「雷動計劃」議會過半，告別消極抗爭！〉。原著喺2016-02-04歸檔。喺2016-02-04搵到。

[5] 〈雷動計劃被指打亂政黨部署　戴耀廷：無話叫你跟我投票〉。原先內容歸檔喺2016-09-08。喺2016-09-08搵到。

[1]

[2]

[3]

[4]

[5]