電車路，係指電車經過嘅個一條馬路，嚮香港只有香港島北，先至有個一條電車路，佢嚮香港地獨一無二，所以一講起，本地人就個個都明。電車路上，有一條由香港電車公司起嘅電車軌、電車站同埋半空上面掛著嘅供電電纜。電車路最東邊嚮筲箕灣東大街，叫做筲箕灣電車路。最西端即係吉席街同埋爹核士街等。至於跑馬地電車路，即係黃泥涌道同埋摩利臣山道。香港人未必記得電車所經過嘅所有街名，所以統稱佢地做「電車路」。
