電郵客戶端

電郵客戶端（英文：mail user agent，簡稱 MUA），通常即係一般講嘅電郵軟件，係指電郵系統入面以用家名義收發電郵，扮演｢代理人｣（agent）角色嘅部分；換句話講即係用家同電郵系統之間嘅介面^[1]。

雖然電郵客戶端通常指電郵軟件，但係其實唔一定，例如佢可以嵌咗入其他嘅應用程式入便^[1]；其他例如 Hotmail 等等嘅網上電郵亦都係一種電郵客戶端。

｢電郵客戶端｣嘅叫法來自 X.400 標準，喺標準入面淨係叫做｢客戶端｣（user agent，UA），喺 X.400 嘅框架入面，兩個行唔同標準嘅電郵系統中間需要一種叫｢閘門^[暫譯]｣（gateway）嘅伺服器做轉換，因為概念上要用發信人名義用第個標準將封電郵再發一次，概念上亦都算做一種客戶端^[1]。