織體

  提示：呢篇文講嘅唔係纖體。

織體（粵拼：zik1 tai2；英文：texture），又叫層次組合，喺樂理上係指一首音樂當中唔同嘅速度、旋律同和音點樣結合埋一齊點樣結合埋一齊形成一首整體嘅樂曲。

分類

以下係幾款常見嘅音樂織體：

• 單音音樂（monophony）：最簡單嗰種織體，指成首音樂得嗰一行旋律，冇任何伴奏，例如乜嘢伴奏都冇嘅 Pop Goes the Weasel 旋律就係一首單音音樂：

• 雙音音樂（biphony）：首音樂分兩行，一行係主旋律，另一行係持續音（唔係獨立嘅旋律）。例子有以下呢段嘢（巴哈嘅《十二平均律鋼琴曲集》其中一段）：

• 複音音樂（polyphony）：首音樂由兩段或者以上各自能夠獨立存在嘅旋律組成，當中冇任何一段明顯係「主旋律」，例如下面呢段係《十二平均律鋼琴曲集》嘅《A♭ 17 號賦格曲》嘅其中一段噉，上下兩行五線譜嘅四個聲部，每部都係一段旋律，而且冇任何一段旋律零舍突出做主旋律：

• 主音音樂（homophony）：首音樂由兩段或者以上嘅旋律組成，當中有一首明顯係「主旋律」，而另外嗰幾段扮演陪襯嘅角色，即係另外嗰幾段通常會好重複同冇乜變化，加嚟純粹係為咗要幫手留意住啲節奏或者做和音；主音音樂呢種做法喺古典樂當中非常盛行。
• 同部支聲（heterophony）：首音樂只有一個旋律，但係由多過一個樂手演繹，每個樂手自行加花；同部支聲係一啲非西方傳統嘅常見織體，例如阿拉伯音樂。

... 等等。

順帶一提，啲人喺討論音樂嗰陣，好興用「有幾厚」嚟描述一首音樂嘅織體​——​如果話一首音樂嘅織體厚，即係話首音樂「分好多層」，有好多段唔同嘅旋律疊埋一齊組成，而如果話一首音樂嘅織體薄，即係話首音樂由得嗰一兩段旋律組成。

睇埋

• 質感
• 樂理
• 音樂形式