單音音樂

單音音樂（英文：monophony），又叫單音結構，係最簡單嗰種織體，指成首音樂得嗰一行旋律，冇任何伴奏，不過所謂冇伴奏係唔計例如鼓之類冇特定音高嘅敲擊樂器嘅，甚至有伴奏，但係伴奏係一至三個音高嘅持續音或者頻現句（英文：drone）都可以唔計，又或者伴奏係同一首旋律隔一個固定音程亦都唔計。

注意音樂學講嘅織體並唔等於音樂業界講嘅質感；唔同樂器會影響質感，用咗敲擊樂亦會影響質感。單音音樂亦唔亦一定係得一個人或一件樂器，而係多過一個人、多過一件樂器都得，關鍵係啲音全部冇分別。

好多地方嘅傳統音樂都係單音音樂，例如中東、南亞同土耳其嘅傳統音樂；傳統嘅中樂亦都係。

例

唔會有爭議嘅例

例如乜嘢伴奏都冇嘅《Pop Goes the Weasel》旋律就係一首單音音樂：

但係因為唔計冇音高嘅敲擊樂，加咗搖鼓仍然都係單音音樂：

相差八度聽落係同一個音；如果 ｢伴奏｣ 係旋律高或者低八度，仍然係單音音樂（管風琴用咗某啲設定，彈單音可以造出類似效果，電結他用咗某啲效果器亦可以）：

可能有爭議嘅例子

伴奏固定係同旋律相差八度以外嘅其他音程亦唔算數，算係單音音樂（多過一個樂手，一個用移調樂器，另一個用非移調樂器，但係睇同一個譜，會自然得出呢種效果）：

伴奏係持續音唔算數，加咗都算係單音音樂，不過有啲人會叫呢種做雙音音樂：