顏汶羽

顏汶羽（Frankie Ngan，1986年8月31號—），係香港親中陣營民建聯黨員、第七屆香港立法會議員、觀塘區議會議員（佐敦谷選區，2012年到而家）。

2023年嘅顏汶羽

選舉經歷

2011年第4屆香港區議會選舉，佢代表民建聯參選佐敦谷選區，以2,234票打贏力爭冧莊嘅民主黨嘅黃偉達，之後兩屆，佢亦喺同一選區成功冧莊。

喺2021年9月，佢成為香港特别行政區選舉委員會委員(港九分區委員會、地區撲滅罪行委員會及地區防火委員會委員代表)。同年12月參選第7屆香港立法會選舉嘅九龍東選區地區直選，佢以64,275票當選，成功喺黨友柯創盛手上接棒。

2022年，佢喺李家超無提政綱嘅情況下，有份提名李家超參與2022年香港行政長官選舉。